900 мингга яқин ливанлик Исроил ва Ҳизбуллоҳ ҳаракати ўртасидаги жанглар туфайли уйларини тарк этишга мажбур бўлди.
Бу ҳақда БМТнинг Ливандаги Гуманитар масалаларни мувофиқлаштириш бошқармаси (OCHA) маълум қилди.
Департамент ҳисоботида қайд этилишича, БМТ Халқаро миграция ташкилоти экспертлари ўз уйларини ташлаб кетган аҳоли сонини 896,3 минг кишини ташкил этади, уларнинг 51 фоизга яқини аёллардир.
OCHA маълумотларига кўра, Ливан бўйлаб кўчирилганлар учун 1173 та вақтинчалик бошпана мавжуд бўлиб, улардан 975 таси тўлиқ банд. Уларда тахминан 188 минг киши бор.
Аввалроқ БМТнинг Ливандаги Гуманитар масалаларни мувофиқлаштириш бошқармаси 2024 йил гуманитар ходимлар учун энг ҳалокатли йил бўлганини маълум қилганди.
Жорий йилда жами 281 нафар гуманитар ходим ҳалок бўлган, уларнинг ўлимининг асосий сабаби Яқин Шарқдаги зиддиятнинг кучайиши билан боғлиқ. 2023 йилда ҳалок бўлган гуманитар ходимлар сони 280 нафарни ташкил қилганди.
“2024 йил дунёдаги энг қийин шароитларда ишлайдиган гуманитар ходимлар учун энг фожиали йил бўлди”, деди OCHA вакили Йенс Лерке Женевада бўлиб ўтган брифингда.
Бундан ташқари, Афғонистон, Конго Демократик Республикаси, Жанубий Судан, Судан, Украина, Яман ва бошқа мамлакатларда зўравонлик ҳамда таҳдидларнинг юқори даражаси қайд этилган.
Изоҳ (0)