2024- йил январь- ноябрь ойларида республиканинг ташқи савдо айланмаси 59,4 млрд АҚШ долларига етди ва 2023- йилнинг январь ноябрь ойларига нисбатан 2,1 млрд АҚШ долларига ёки 3,6 фоизга кўпайди. Бу ҳақида Статистика агентлиги ҳисоботида маълум қилинган.
Ташқи савдо айланмасида экспорт ҳажми 24223,0 млн АҚШ долларига (2023- йилнинг январноябрь ойларига нисбатан 4,4 фоизга кўпайди) ва импорт ҳажми 35 145,8 млн АҚШ долларига (3,0 фоизга кўпайди) етди. Ҳисобот даврида – 10922,8 млн АҚШ доллари қийматида манфий ташқи савдобаланси қайд этилди.
Асосий савдо ҳамкорлари
Таъкидлаш жоизки, Қозоғистон Ўзбекистоннинг энг йирик ташқи иқтисодий ҳамкорларидан бирига айланди (Хитой ва Россиядан кейин). Бунга сабаб қуйидагилар бўлиши мумкин: умумий чегаранинг мавжудлиги, МДҲнинг эркин савдо ҳудудида савдо қилиши ҳамда сўнгги пайтларда ўзаро иқтисодий алоқаларнинг кескин эркинлаштирилиши.
Ўзбекистон Республикаси жаҳоннинг 195 мамлакати билан савдо алоқаларини амалга ошириб келмоқда. Ташқи савдо айланмасининг нисбатан салмоқли ҳиссаси ХХРда (19,0 фоиз), Россияда (18,0 фоиз), Қозоғистонда (6,5 фоиз), Туркияда (4,4 фоиз) ва Корея Республикасида (3,0 фоиз) қайд этилган.
2024 йил январь ноябрь ойида ташқи савдо айланмасида МДҲ давлатларининг улуши 35,4 фоизни ташкил этиб, ташқи савдо айланмасидаги улуши 2023 - йилнинг мос даврига нисбатан 3,0 фоизга кўпайди.
Ўзбекистон билан савдо қилаётган мамлакатлар иқтисодиёти ўсиши мазкур мамлакатлар истеъмолчилари томонидан республика экспортига бўлганталабнинг ошишига олиб келиши мумкин.
МДҲнинг эркин савдо ҳудудида савдо қилиш Ўзбекистоннинг умумий ташқи савдо айланмасигаижобий тасъир қилмоқда. Ўзбекистоннинг МДҲ мамлакатлари билан ташқи савдо айланмаси энг юқори ҳажмлари Россия (50,8 фоиз), Қозоғистон (18,3 фоиз) ҳамда Туркманистон (5,1 фоиз) давлатлари билан қайд этилди.
2024- йил январь ноябрь ойларида ташқи савдо айланмасида товарлар ва хизматлар экспорти бўйича асосий ҳамкорларимиз Россия, ХХР, Қозоғистон,
Туркия, Афғонистон, Франция ва Тожикистон каби давлатлар бўлган. Уларнинг умумий експортдаги улуши 40,5 фоизни ташкил этди.
Изоҳ (0)