Афғонистоннинг ички ишлар вазири вазифасини бажарувчи Сирожиддин Ҳаққоний мамлакат шариат қонунларига ва исломий тамойилларга зид бўлмаган давлатлар билан муносабатлар ўрнатишни хоҳлашини айтди. Бу ҳақда Аriana News хабар берди.
Ҳаққоний Афғонистон ҳукумати дунё билан ҳамкорликка эмас, балки мустамлакачиликка қарши эканини таъкидлади. У “Толибон” ҳеч кимга мамлакатдаги диний қонунларни бузишга йўл қўймаслигини билдирди.
Агар биз муносабатлар ва ҳамкорликни истасак, бу тамойилларга асосланган бўлиши керак. Дунё ўзаро ҳамкорлик қилаётганидек, биз ҳам ушбу мулоқотнинг бир қисми бўлишни хоҳлаймиз, чунки манфаатларимиз ва эҳтиёжларимиз савдо ҳамда бошқа масалаларга боғлиқ, деди Ҳаққоний.
“Одамлар сиёсат ҳақида гапириш ўрнига ибодат қилиши керак” — Ҳаққоний
Февраль ойида Сирожиддин Ҳаққоний одамлар сиёсат ҳақида гапириш ўрнига “ибодат” қилишлари кераклигини айтганди.
Эркак ва аёллар сиёсат борасида шундай бўлиши керак эди ва шундай бўлади, деб гапирмоқда. Бу ҳақда кўп ўйламанг, Аллоҳга кўпроқ сажда қилинг, шу яхшиси, деган у.
У ўзларининг сиёсатини ҳимоя қилиб, Афғонистон муваққат ҳукуматининг режими савдолашилмаслигини таъкидлаган. Шунингдек, ички ишлар вазири “Толибон” жаҳон ҳамжамиятининг кўрсатмаларига амал қилишни истамагани учун санкциялар остидалигини айтган. Ҳаққоний афғонлар эркинликка ўзи эришгани ва кимнингдир олдида қарздор эмаслигини таъкидлаганди.
Изоҳ (0)