Шуҳрат Ризаев Кинематография агентлигига раҳбар этиб тайинланди. Бу ҳақда Миллий кинематографияни ривожлантириш маркази хабар қилди.
У 2017 йилдан буён агентлик директори ўринбосари лавозимида фаолият юритиб келаётганди.
Шуҳрат Ризаев 1958 йилда Тошкент шаҳрида туғилган. Ўзбекистон Миллий университетининг филология факультетини тугатган. Маданият ва спорт ишлари вазирлигида, Ойбек музейида, Президент девони ва Вазирлар Маҳкамасида, Давлат ва жамият қурилиши академиясида фаолият юритган.
2017 йилда Шавкат Мирзиёев фармони асосида “Дўстлик” ордени билан мукофотланган. 2021 йилда эса “Ўзбекистонда хизмат кўрсатган ёшлар мураббийси” фахрий унвонига сазовор бўлган.
Кинематография агентлигининг аввалги раҳбари Фирдавс Абдухолиқов Вазирлар Маҳкамаси ҳузуридаги Ислом цивилизацияси маркази директори этиб тайинланди. Марказга 2017 йил 17 июлдан директорлик қилиб келган Шоазим Миноваров ушбу лавозимдан озод қилинди.
Изоҳ (0)