Илон Маск ва унинг хAI компанияси Apple ҳамда OpenAI’га қарши судга даъво аризаси киритди. Ушбу компаниялар сунъий интеллект бозорида рақобатни чеклаш мақсадида тил бириктирганликда айбланмоқда. Бу ҳақда Reuters хабар берди.
Даъвода таъкидланишича, компаниялар “ўз монополияларини сақлаб қолиш ва Х ҳамда хAI каби янги инновацион ўйинчиларнинг пайдо бўлишига тўсқинлик қилиш учун бозорни эгаллаб олган”. Маск ўзининг Grok чатботи App Store’да кўзга ташланадиган ўринларда чиқмаётганидан норози.
хAI вакилларига кўра, Apple атайлаб Grokъни тарғиб қилмаяпти, чунки компания OpenAI билан эксклюзив шартномага эга ва шу сабаб ChatGPT’ни фаол тарғиб қилмоқда.
Шу билан бирга, DeepSeek ва Перплехитй каби бошқа сунъий интеллект иловалари App Store рейтингларида пайдо бўлган. Дунёдаги энг бой инсон ҳисобланган Маск OpenAI асосчиларидан бири ҳисобланади, бироқ 2018 йилда у компанияни тарк этган.
2023 йилда Маск ChatGPT каби машҳур иловаларга рақобатчи яратишни ваъда қилиб, хAI’ни ишга туширди. Бир неча ойдан сўнг, компания Маскка тегишли Х ижтимоий платформаси фойдаланувчиларининг сўровларига жавоб бера оладиган Grok номли чат-ботни тақдим этди.
Изоҳ (0)