Табиий мева ва сабзавотлар организм учун витаминлар захираси ҳисобланади. Баҳорнинг илк кунларида қандай турдаги маҳсулотларни истеъмол қилиш лозимлиги ҳақида сўз юритамиз.
Селдерей
Февраль ойида етиштирилган селдерейнинг барги ва поясини кўплаб турдаги таомлар — смузи, салат, шўрва ва соус билан қўллаш мумкин. Селдерейни олимлар ёшартирувчи сабзавот деб аташади, чунки унинг баргларида қариш жараёнини секинлаштирувчи ва ўзига хос оқсил — коллагенни рағбатлантирувчи C витамини мавжуд.
Цитрус мевалари
Лимон, апельсин, мандарин, грейпфрут каби мевалар фойдалилиги, шифобахшлиги ва таъми жиҳатидан биринчи ўринда туради. Улар таркибида шакар (1 – 2 дан 15 фоизгача), лимон кислотаси (0,9 – 8 фоиз) пектин, А,B,C ва бошқа витаминлар кўп. Цитрус мевалари баҳор фаслида иммунитет сусайиши билан фаол курашади.
Дайкон (японча турп)
Февраль, март ойларида дайконни ҳам пишган, ҳам хом ҳолида истеъмол қилиш мумкин. Дайкон ўзида жуда кўп миқдорда бириктирувчи тўқима ва C гуруҳ витамини сақлайди. У крахмал сақловчи таомларни яхши ҳазм қилинишига ёрдам беради. Шу сабаб ҳам картошкали таомлар пиширганда дайкондан салатлар тайёрлаш тавсия этилади.
Киви
Киви C витамини миқдори бўйича рекордчилардан бири — 100 грамм мева 4 кунлик нормани ташкил қилади. C витамини кучли табиий антиоксидантдир. Шу сабабли киви — баҳорда иммунитет тушишини олдини олишда энг фойдали мева.
Изоҳ (0)