Бугунги технология асрида одамзод доимо қулайликлар сари интилиб яшайди. Яхши иш, яхши машина, сўнгги моделдаги мобил телефон ва ҳоказолардан ташқари, албатта, ўзининг шинамгина уйи бўлишини истайди. Қуйида асримизнинг энг ноёб ва қимматбаҳо архитектура намуналари ҳисобланган уйлар ҳақида маълумот берамиз.
Сwисс Голд House
Юқори технологияли ва замонавий мазкур бу бир қарашда бошқа қимматбаҳо хонадонлардан ҳеч нимаси билан ажралиб турмайдигандек туюлади. Атиги 725 квадрат метр майдонда 8 ётоқхонаси, сузиш ҳавзаси ҳамда кичик терасса мавжуд. У ердаги гаражга эса атиги 4 та машина сиғади. Аммо уйнинг баҳоси 12 миллиард долларни ташкил этган. Бунинг сабаби нимада?
Барчаси уйнинг қандай материаллардан қурилгани сабабчи. Лойиҳани амалга ошириш учун оддий ғишт ва бетондан эмас, балки 200 тонна қимматбаҳо материаллардан, жумладан, платина, олтин ва кумушдан фойдаланган. Ушбу уйнинг диққатга сазовор қисми — бу метеорит ва динозавр суякларидан ясалган меҳмонхонадир.
Ҳала ранч
821 миллион долларлик мазкур ҳашаматли Колорадода, Аспен шаҳрида жойлашган. Қачонлардир у Саудия Арабистони шаҳзодасига тегишли бўлган. Ҳозир эса у миллиардер Жон Полсоннинг мулки ҳисобланади. Уйда 15 та ётоқхона, 16 та ҳаммом мавжуд. Мазкур хонадон уйлар мажмуасидан иборат кичик шаҳарчага ўхшайди, унинг хусусий сув тозалаш тизимлари ва газ таъминоти мавжуд бўлиб, барча тизим тўлиқ автоном тарзда ишлайди.
Вилла Леополда
Леополда вилласи дунёдаги энг қимматбаҳо хусусий уйлардан бири бўлиб, у Бельгия қироли Леополда II учун қурилган. Қўрғон майдони 2000 квадрат метрни ташкил қилади. 14,2 гектарли ботаника боғига нақд 50 нафар боғбон қарайди. Деворлари қаймоқранг мармар билан қопланган қасрнинг ичи тилладан ишланган. Деворларни эса ойна ва суратлар безаб туради. Хоналар кам учрайдиган дарахтлардан ва қимматбаҳо матолардан тайёрланган мебеллар билан безатилган. Уйда 14 та ётоқхона мавжуд бўлиб, уларнинг ҳар бири ўз рангида жиҳозланган. Ташриф буюрганлар ёғочдан ишланган кутубхонани кўриши ёки узун зинапоя бўйлаб Ўрта денгизнинг соҳилига тушиши мумкин.
Маисон де ЛъАмитиэ
Флоридада жойлашган энг қиммат уйлардан бири бўлиб, бир неча йиллар аввал АҚШ президенти Дональд Трампга тегишли бўлган. Лекин 2008 йилда уни россиялик бизнесмен Дмитрий Риболовлев сотиб олган. 950 миллион доллар деб баҳоланган бу бино ҳудудида 15 та ётоқхона, олтин сантехника билан жиҳозланган 15 та ҳаммом бор. Шунингдек, Ван Гог, Пикассо ва Моне расмларига эга галереяси ҳам мавжуд. Умумий майдони — 5,5 минг квадрат метр.
Лес Палаис Буллес
Франциялик мода дизайнери ўзидан кейин ноёб архитектура намунасини қолдирди. Футуризм ва авангард намунаси бўлган қабариқ уй 1991 йилда моделер Пьер Карденнинг мулкига айланди. У венгриялик архитектор Антти Ловага томонидан ишлаб чиқилган. Турар жой Канн яқинида, Ўрта Ер денгизи соҳилидаги қояда жойлашган.
Архитектор ғоясига кўра, уй ибтидоий одамларнинг ғорларига ўхшатиб қурилган. Уй қопламаси пуркаладиган бетондан қилинган ва поғонали томлардан пастга — ҳовузга тушилади. Бинонинг том қисмида амфитеатр бор, уйнинг ўзи эса 10 та ётоқхонадан иборат. Бино 1200 квадрат метр майдонни эгаллайди ва унинг атрофидаги майдон 8500 квадрат метрни ташкил қилади.
Изоҳ (0)