Унинг номи инновациялар ва юксак мақсадлар билан боғлиқ, технологиялар, космос тадқиқотлари ва электроавтомобиллар соҳасидаги кўплаб кашфиётларга эришган. Унинг қизиқишлари қуёш энергияси, сунъий интеллект, юқори тезликдаги транспорт тизимлари ва Марсни забт этишга қаратилган улкан лойиҳаларни ўз ичига олади. У дунёнинг энг бой одами бўлиб, бойлиги 231 миллиард долларни ташкил этади.
Аммо бу ютуқлар ортида жуда ноодатий турмуш тарзи яширинган бўлиб, Маск ақл бовар қилмас харажатлар ва ҳайратланарли харидлари билан ҳам машҳур, буни оддий ҳашаматга интилиш деб тушунтириб бўлмайди. Илон Маск ҳеч қачон киёлмайдиган от юнги ва питон терисидан тикилган туфлилар шундай харидлардан биридир.
Илон Маскнинг ҳашаматли ҳаётига назар солинса, кўпчилик тасаввур қилолмайдиган энг қиммат бренд буюмларни кўриш мумкин. Аммо оддий одам назарида улар кўпинча жуда хунук, ҳаттоки кийиб бўлмайдиган кийимлар бўлади. Масалан, Аir Jordan Tesla туфлиси – пони териси, қизил металл тери ва питон терисидан тайёрланган.
Агар Маск бу туфлини омма олдида кийиб чиққанида, у олти ой қамоқ жазоси олиши мумкин эди, чунки питон терисидан ишланган маҳсулотлар кўплаб штатларда ноқонуний ҳисобланади ва уларни кийиш жавобгарликка олиб келиши мумкин. Шунинг учун ҳам миллиардер бу туфлиларни коллекциясида сақлайди, холос.
Космосда ҳам аниқ вақтни кўрсатадиган Швейцария соатлари
Албатта, Илон Маск дунёнинг энг нуфузли брендлари томонидан ишлаб чиқарилган қимматбаҳо соатларни тақишга қурби етади, аммо унинг коллекциясида бундай нарсалар йўқ. Бу унинг арзон соатлардан фойдаланиши ёки умуман соат тақмаслигини англатмайди.
Унинг барча соатлари космос билан боғлиқ. Улар орасида чекланган сериядаги Carrera 1887 SpaceX модели ҳам бор. Бу модел Швейцария соатларининг космосда ҳам аниқ вақтни кўрсата олишининг 50 йиллиги муносабати билан чиқарилган ва баъзи астронавтлар орбитага парвоз пайтида уларни тақиб олган.
Аммо бундай соатлар 10 минг доллар туради, шунинг учун Илон Маск 50 минг долларлик Аudemars Baguette ва ҳатто 200 минг долларлик эксклюзив Ричард Милле соатларини ҳам сотиб олган. Ишлаб чиқарувчиларининг айтишича, бу соатлар келажакнинг соатлари бўлиб, улар нафақат космосда, балки бошқа сайёраларда ҳам аниқ вақтни кўрсатади.
Илон Маскка 1920 йилда ишлаб чиқарилган бензинли автомобиль нима учун керак?
Илон Маскнинг гаражида ҳашаматли автомобиллар тўплами мавжуд. Уларнинг ичида энг қимматларидан бири — McLaren F1 бўлиб, у бир миллион долларга сотиб олинган. Бу машҳур суперкар рекорд даражадаги тезлиги билан машинасозликнинг чўққиси ҳисобланади.
Илон Маскнинг энг машҳур машинаси эса унинг компанияси яратган 100 минг долларлик Tesla Roadster бўлиб, у уни ракетага қўйиб космосга учирган. Маск бу воқеани жонли эфирда намойиш қилган, ҳозирда эса бу машинанинг космосдаги жойлашувини кузатиб бориш мумкин.
Аммо Маскнинг энг севимли машинаси – бу 1920 йилда ишлаб чиқарилган бензинли Ford Model Т бўлиб, нархи тахминан 25 минг доллар. Нега Маскка бундай машина керак? 17 ёшида чўнтагида ҳеч вақоси бўлмаган пайтда, у шундай машинани орзу қилганди. Ниҳоят дунёнинг энг бой одамига айланганида, бу орзуси амалга ошди.
Бир миллион долларлик сувости машинаси
Tesla ва SpaceX раҳбари Илон Маскнинг ноодатий автомобилларга қизиқиши ажабланарли эмас. 2013 йилда у Жеймс Бонд ҳақидаги фильмда ишлатилган Lotus Esprit автомобили — сувости кемасини сотиб олди. Маск бу фақат кинокомпания томонидан ишлатилган ишламаётган реквизит эканини билган бўлса-да, уни кимошди савдосида 920 минг долларга харид қилган.
ОАВ маълумотларига кўра, Маск Tesla технологиялари ёрдамида уни ҳақиқий сувости кемасига айлантиришга ваъда берган. Бироқ у бу ўйинчоқ сувости машинаси гаражида жой эгаллашидан бошқа нимага кераклигини очиқламаган.
1,5 миллион долларлик совғалар
Илон Маск севган аёлларидан пул аямайди. Биринчи рафиқасига — у билан коллежда танишган 50 минг долларлик яшил зумраддан ишланган олтин маржон совға қилган. Улар ажрашганида, Маск совғадан кўра, муносабатларининг тугашидан афсусланган.
Иккинчи рафиқаси билан икки йил бирга яшаган, унга ҳам 1,5 миллион долларлик совғалар олган. Маск унга дастлаб 100 минг долларлик узук берган, лекин кейинчалик унинг ҳазиломуз шикоятларидан сўнг, кунлик фойдаланиш учун 300 минг долларлик ва махсус тадбирлар учун бир миллион долларлик узук совға қилган.
Илон Маск 12 фарзанди учун йилига бир неча юз миллион доллар сарфлайди
Илон Маскнинг 12 фарзанди собиқ уч рафиқасидан бўлиб, у бу билан тўхтамоқчи эмаслигини айтган. У туғилиш даражасининг пастлаши глобал инқирозга сабаб бўлиши мумкин деб ҳисоблайди. Катта фарзандлари 20 ёшга етган, қолганлари эса хусусий мактабга боради ва таътилга отасининг шахсий самолётида саёҳат қилади.
Маск вояга етмаган фарзандларини тўлиқ таъминлайди ва йилига бир неча юз миллион доллар сарфлайди, аммо компания акцияларини мерос сифатида беришга қарши. У лидерликни шунчаки акцияларни қизиқиши бўлмаган меросхўрларга эмас, балки истеъдодли одамларга топшириш керак деб ҳисоблайди.
Илон Маск нега Twitterни сотиб олиб, миллиардлаб зарар кўрди?
Илон Маскнинг энг катта хариди муваффақиятсиз қарорларидан бири бўлди. Кўпчилик ҳайрон қолди, чунки 2022 йил октябрида у Twitter платформасини 44 миллиард долларга сотиб олди, бу платформа йиллар давомида миллиардлаб зарар кўрган эди.
Оддий одамлар интернет-ресурс ёқмаса, уни тарк этишади, аммо Маск муаммони бошқача ҳал қилишга қарор қилди. Twitterъни сотиб олганидан сўнг у номини Х деб ўзгартирди, лекин унинг қиймати 72% га тушиб кетди. Натижада Маск ва унинг сармоядорлари катта зарар кўрди. Ҳозирда Хънинг қиймати атиги 9,38 миллиард долларга тенг, лекин Маск уни қайта жонлантириши мумкин.
Беверли-Ҳиллздаги ҳашаматли уйлари бўлган бутун бошли мавзе
2012 йилда Илон Маск Калифорниянинг Бел-Эйр ҳудудида 17 миллион долларга 20 минг квадрат футли ҳашаматли уй сотиб олган. Уйнинг ичида икки қаватли кутубхона, кабинет, вино омбори, теннис корти, бассейн, еттита ётоқхона ва 10 та ҳаммом бўлган.
Кейин Маск қизиқувчан қўшнилар билан яшаш ёқимли эмас деб, атрофдаги бешта қўшни мулкни ҳам сотиб олиб, умумий қиймати 80 миллион доллардан ортиқ бўлган бутун бир ҳашаматли ҳудудга эга бўлди.
Бироқ саккиз йилдан сўнг у “умуман уйга эга бўлмаслик катта афзаллик” деб эълон қилиб, барча мулкларини сотди ва Жанубий Техасда атиги 50 минг долларлик кичик уйчага кўчиб ўтди.
Илон Маскнинг бойлигининг катта қисмини сарфлашни режалаштираётган энг йирик лойиҳаси
Анчадан бери Илон Маск Марсни колонизация қилиш бўйича фантастик лойиҳани ўйлаб келмоқда, унинг SpaceX компанияси айнан шу мақсадда ташкил этилган. Миллиардер одамлар учун Ер ҳаётга яроқсиз бўлиб қолса, амалий режалар керак деб ҳисоблайди ва ўз умрида биринчи марталик кўчиб ўтишни амалга ошириш умидида.
2021 йилда ушбу қарорни қабул қилгач, Маск барча кўчмас мулкларини сотди ва бу нарсалардан аниқ фойда кўрмаслигини айтди. У Марсда шаҳар қуриш катта капитални талаб қилишини таъкидлади ва иложи борича кўпроқ ҳисса қўшишни хоҳлаган, келажакда эса ортиқча моддий харажатлардан сақланишга ваъда берди.
Изоҳ (1)
Termiz