Тиниб-тинчимас меҳрибон Энн, арвоҳлар яшайдиган уй, ҳар бир ҳолатига мос мусиқа топа оладиган мусиқа шайдоси ҳақидаги мазкур сериаллар кузнинг ёмғирли ҳавосида томоша қилиш учун айни муддао.
“Энн”
- Канада, 2017-2019 йиллар.
- Драма.
- Давомийлиги: 3 фасл.
- IMDb: 8,6.
Канада қишлоқларидан бирида яшайдиган ака-сингил Метю ва Марилла ўғил фарзанд асраб олишмоқчи. Аммо қандайдир хатолик сабаб уларга етимхонадан тиниб-тинчимас қиз Эннни юборишади. Тез орада янги ота-оналар ўзларининг қанчалик омадли эканликларини тушунишади: малласоч қиз нафақат уларнинг ҳаётини, балки атроф-муҳитни ҳам яхшилайди.
Сериал Люси Мод Монтгомери романига асосланган, аммо муаллифлар классик ва замонавий мавзулар ўртасида эҳтиёткорлик билан мувозанат сақлаб, оригинал сюжетдан узоқлашади. Бош қаҳрамон Энн меҳрибон бўлиш билан бирга, савол беришдан тортинмайди ва доимо адолат тарафдори.
“Эббот бошланғич мактаби”
- АҚШ, 2021 йил - ҳозирги кун.
- Комедия.
- Давомийлиги: 3 фасл.
- IMDb: 8,2.
Филаделфиядаги бошланғич мактаб ўқитувчиларининг ҳаёти ва фаолияти ҳаиқдаги сериал. Муассасага маблағ етишмаяпти, мактабни эса ходимларга фақат халақит берадиган малакасиз директор бошқаради. Бироқ мактабда ўқувчиларга чин кўнгилдан ёрдам беришни ва уларни нафақат билим бериш, балки катта ҳаётга тайёрлашни истайдиган ажойиб ўқитувчилар жамоаси тўпланган.
“Эббот бошланғич мактаби” қисман машҳур “Офис”ни эслатади. Аммо бу ерда гап болалар билан ишлайдиган одамлар ҳақида кетмоқда: бош қаҳрамон иккинчи синфда дарс беради. Бу эса сюжетнинг таъсирчанлигини айнада оширади.
“Терапия”
- АҚШ, 2023 йил - ҳозирги кун.
- Драма, комедия.
- Давомийлиги: 2 мавсум.
- IMDb: 8,0.
Жимми психолог бўлиб ишлайди, лекин унинг шахсий ҳаёти ҳавас қиларли эмас: хотини бир йил олдин автоҳалокатда вафот этган, ўсмир қизи билан алоқаси узилган. Бир куни қабул пайтида қаҳрамон беморга унинг ҳолати ҳақида аслида нима ўйлаётганини очиқчасига айтиб беради. Тўсатдан бу самара беради. Шунда психолог мижозлар билан иложи борича тўғридан тўғри муносабатда бўлишни давом эттиришга қарор қилади. Умуман олганда, Терапия” бу — йўқотиш ва муаммоларни қандай енгиш ва яна ўзингизни топишни кўрсатадиган ажойиб сериал.
“Хўранда самурай”
- Япония, 2017 йил.
- Комедия.
- Давомийлиги: 1 мавсум.
- IMDb: 8,0.
Ёши ўтиб қолган япон эркак Такеси бутун умри давомида йирик корпорацияда ишлаган. Энди у нафақага чиқяпти ва энди ўзини қандай банд қилишни мутлақо билмайди. Шунда қаҳрамон шунчаки кафе ва ресторанларга бора бошлайди, турли хил таом ва ичимликларни татиб кўради. Шу билан бирга ўзини самурай қилиб кўрсатади.
“Хўранда самурай” 12 қисмдан иборат бўлиб, уларнинг аксарияти 20 дақиқадан кам давом этади. Сериалда деярли ҳеч қандай зиддиятлар йўқ — фақат ҳаёт ҳақидаги суҳбатлар, мулоҳазалар ва мазали таомлар.
“Арвоҳлар”
- Буюк Британия, АҚШ, 2021 йил - ҳозирги кун.
- Комедия, фантазия.
- Давомийлиги: 3 фасл.
- IMDb: 7,9.
Саманта ва Жейнинг омади келади: уларга ҳашаматли уй мерос бўлиб ўтади. Фақат бино эски, бундан ташқари, унда турли даврларнинг арвоҳлари яшайди — уларни фақат бир вақтлар клиник ўлим ҳолатида бўлган Саманта кўриши мумкин. Арвоҳлар ёвуз эмас, лекин баъзан жуда жонга тегади. Шунинг учун жуфтлик ғайриоддий жамиятда яшашни ўрганишлари керак. Бу мутлақо ҳар хил одамлар (ёки арвоҳлар) истасалар, ҳар доим умумий тил топишлари ва биргаликда яшашлари мумкинлиги ҳақидаги ҳикоядир.
“Мусиқа шайдоси”
- АҚШ, 2020 йил.
- Комедия, мелодрама.
- Давомийлиги: 1 мавсум.
- IMDb: 7,7.
Робин Нью Йоркда яшайди ва кичик винил пластинкалар дўконини бошқаради. У мусиқани ва поп-маданиятни яхши кўради. Робнинг шахсий ҳаёти ҳавас қиларли эмас: навбатдаги ажралишдан сўнг у сўнгги бешта йигити билан муносабатларини қайта кўриб чиқишга қарор қилади. Бу ўз-ўзини тушунишга уриниш ҳақидаги ғамгин ҳикоя.
Изоҳ (0)