Тошкент шаҳар ҳокимлиги Янги йил байрами муносабати билан ўрнатиладиган байрам арчалари жойларини эълон қилиши, Тимур Ишметов Марказий банк раиси этиб тайинланиши, Нуриддин Исмоилов автобус йўлакларида ҳаракатланган транспорт воситаларига жавобгарлик белгиланишига эътироз билдириши — “Дарё” нашри бугун, 11 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда театр ва цирк артистларига малака тоифаси берилади
Бундай ходимларнинг ижодий фаолиятини баҳолаш мезонлари тасдиқланади.
Ўзбекистон бош арчаси қаерга ўрнатилиши маълум қилинди
Пойтахт ҳокимлиги Янги йил байрами муносабати билан ўрнатиладиган байрам арчалари жойларини эълон қилди.
Тротуар, велосипед ва пиёдалар йўлаклари, яшил майдонларда ҳаракатланганлик ҳамда йўлларда ноқонуний тўсиқлар ўрнатганлик учун жавобгарлик белгиланмоқда
Қонун лойиҳаси депутатлар томонидан биринчи ўқишда қабул қилинди.
Ўзбекистонда заргарлик буюмлари ишлаб чиқарувчиларни мол-мулк ва ер солиғидан озод этиш режалаштирилмоқда
Депутатлар заргарлик саноатини янада ривожлантиришга қаратилган қонун лойиҳасини биринчи ўқишда кўриб чиқиб, қабул қилди.
Тимур Ишметов Марказий банк раиси этиб тайинланади
Президент унинг номзодини Сенатга тақдим этди.
Камбағалликни қисқартириш ва бандлик вазирига биринчи ўринбосар тайинланди
Ушбу лавозимни “Халқ банки” бошқаруви раиси биринчи ўринбосари лавозимида фаолият юритган Зафар Азимов эгаллади.
Янги йил муносабати билан Тошкентнинг айрим кўчаларида транспорт ҳаракати чекланди
Йўллар 2025 йилнинг 15 январигача ёпиқ бўлади.
Андижонда уй-жойи “снос”га тушган фуқароларга салкам 7 миллиард сўмлик компенсация пуллари ундириб берилди
2019 йилда Марҳамат тумани маркази “Обод туман” дастурига киритилган. Баъзи уйлар бузилиб, ер участкалари давлат эҳтиёжи учун олиб қўйилган.
Тошкентда металлни қайта ишлаш заводида қарийб 27 млрд сўмлик “свет”дан ноқонуний фойдаланилди
Ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Ўзбекистон 10 ойда қанча электромобиль импорт қилгани очиқланди
Электромобиллар импорти ўтган йилнинг мос даври билан солиштирилганда 6 730 тага ошган.
Қарши давлат техника университети ташкил этилади
Ушбу олийгоҳ Қарши муҳандислик-иқтисодиёт институти, Қарши ирригация ва агротехнологиялар институти, ТАТУ Қарши филиали ҳамда Тошкент кимё-технология институти Шаҳрисабз филиали негизида ташкил этилади.
“Ҳар бир ёш тоифасидаги инсон боғда ўз жойини топа олсин” – президент қурилиш ва ободонлаштириш лойиҳалари тақдимоти билан танишди
Давлат раҳбари боғларда аҳоли ва туристлар учун қулай шароитларни яратиш бўйича кўрсатмалар берди.
Шавкат Мирзиёев Владимир Путин билан телефон орқали мулоқот қилди. Нималар муҳокама қилинди?
Инновациялар, сунъий интеллект, таълим ва тиббиёт соҳаларида ҳамкорлик кенгайиб бораётгани мамнуният билан қайд этилди.
“Эртага сайловчиларга нима деймиз?” — Нуриддин Исмоилов автобус йўлакларида ҳаракатланган транспорт воситаларига жавобгарлик белгиланишига эътироз билдирди
Олий Мажлис Қонунчилик палатасининг навбатдаги мажлисида Маъмурий жавобгарлик тўғрисидаги кодексга жамоат транспортидан фойдаланиш самарадорлигини оширишга қаратилган ўзгартириш ва қўшимчалар киритишни назарда тутувчи қонун лойиҳаси биринчи ўқишда кўриб чиқилди.
Изоҳ (0)