Bugungi texnologiya asrida odamzod doimo qulayliklar sari intilib yashaydi. Yaxshi ish, yaxshi mashina, so‘nggi modeldagi mobil telefon va hokazolardan tashqari, albatta, o‘zining shinamgina uyi bo‘lishini istaydi. Quyida asrimizning eng noyob va qimmatbaho arxitektura namunalari hisoblangan uylar haqida ma’lumot beramiz.
Swiss Gold House
Yuqori texnologiyali va zamonaviy mazkur bu bir qarashda boshqa qimmatbaho xonadonlardan hech nimasi bilan ajralib turmaydigandek tuyuladi. Atigi 725 kvadrat metr maydonda 8 yotoqxonasi, suzish havzasi hamda kichik terassa mavjud. U yerdagi garajga esa atigi 4 ta mashina sig‘adi. Ammo uyning bahosi 12 milliard dollarni tashkil etgan. Buning sababi nimada?
Barchasi uyning qanday materiallardan qurilgani sababchi. Loyihani amalga oshirish uchun oddiy g‘isht va betondan emas, balki 200 tonna qimmatbaho materiallardan, jumladan, platina, oltin va kumushdan foydalangan. Ushbu uyning diqqatga sazovor qismi — bu meteorit va dinozavr suyaklaridan yasalgan mehmonxonadir.
Hala ranch
821 million dollarlik mazkur hashamatli Koloradoda, Aspen shahrida joylashgan. Qachonlardir u Saudiya Arabistoni shahzodasiga tegishli bo‘lgan. Hozir esa u milliarder Jon Polsonning mulki hisoblanadi. Uyda 15 ta yotoqxona, 16 ta hammom mavjud. Mazkur xonadon uylar majmuasidan iborat kichik shaharchaga o‘xshaydi, uning xususiy suv tozalash tizimlari va gaz ta’minoti mavjud bo‘lib, barcha tizim to‘liq avtonom tarzda ishlaydi.
Villa Leopolda
Leopolda villasi dunyodagi eng qimmatbaho xususiy uylardan biri bo‘lib, u Belgiya qiroli Leopolda II uchun qurilgan. Qo‘rg‘on maydoni 2000 kvadrat metrni tashkil qiladi. 14,2 gektarli botanika bog‘iga naqd 50 nafar bog‘bon qaraydi. Devorlari qaymoqrang marmar bilan qoplangan qasrning ichi tilladan ishlangan. Devorlarni esa oyna va suratlar bezab turadi. Xonalar kam uchraydigan daraxtlardan va qimmatbaho matolardan tayyorlangan mebellar bilan bezatilgan. Uyda 14 ta yotoqxona mavjud bo‘lib, ularning har biri o‘z rangida jihozlangan. Tashrif buyurganlar yog‘ochdan ishlangan kutubxonani ko‘rishi yoki uzun zinapoya bo‘ylab O‘rta dengizning sohiliga tushishi mumkin.
Maison de L’Amitie
Floridada joylashgan eng qimmat uylardan biri bo‘lib, bir necha yillar avval AQSh prezidenti Donald Trampga tegishli bo‘lgan. Lekin 2008-yilda uni rossiyalik biznesmen Dmitriy Ribolovlev sotib olgan. 950 million dollar deb baholangan bu bino hududida 15 ta yotoqxona, oltin santexnika bilan jihozlangan 15 ta hammom bor. Shuningdek, Van Gog, Pikasso va Mone rasmlariga ega galereyasi ham mavjud. Umumiy maydoni — 5,5 ming kvadrat metr.
Les Palais Bulles
Fransiyalik moda dizayneri o‘zidan keyin noyob arxitektura namunasini qoldirdi. Futurizm va avangard namunasi bo‘lgan qabariq uy 1991-yilda modelyer Pyer Kardenning mulkiga aylandi. U vengriyalik arxitektor Antti Lovaga tomonidan ishlab chiqilgan. Turar joy Kann yaqinida, O‘rta Yer dengizi sohilidagi qoyada joylashgan.
Arxitektor g‘oyasiga ko‘ra, uy ibtidoiy odamlarning g‘orlariga o‘xshatib qurilgan. Uy qoplamasi purkaladigan betondan qilingan va pog‘onali tomlardan pastga — hovuzga tushiladi. Binoning tom qismida amfiteatr bor, uyning o‘zi esa 10 ta yotoqxonadan iborat. Bino 1200 kvadrat metr maydonni egallaydi va uning atrofidagi maydon 8500 kvadrat metrni tashkil qiladi.
Izoh (0)