Қулайлик ва ҳашаматни ўзида бирлаштирган дунёдаги энг катта автомобиллар ҳақида маълумот берамиз.
“Америка орзуси” лимузини
- Узунлиги: 30 метр
Америкалик дизайнер Жей Оҳрберг томонидан Cadillac асосида яратилган ушбу лимузин автомобиль оламининг афсонасидир. 26 та ғилдирак, иккита бошқарув кабинаси, бассейн, жакузи ва ҳатто вертолёт майдончаси билан жиҳозланган. Автомобиль мутлақ ҳашамат рамзига айланди ва дунёдаги энг узун автомобиль сифатида Гиннеснинг рекордлар китобига кирди.
Superbус
- Узунлиги: 15 метр
Голландиялик дизайнер Вобо Оскелс томонидан яратилган ушбу футуристик автомобиль лимузин ва автобус элементларини бирлаштиради. Superbус 23 йўловчига мўлжалланган бўлиб, иқлим назорати, Wi-Fi ва телевизор каби қулайликлар билан жиҳозланган. Вазни 9 тоннадан юқори бўлганда у 250 км/соат тезликка эриша олади, бу эса экологик тоза, аммо ҳашаматли транспортни яратишга ўзига хос ёндашувни намойиш этади.
Commercial Эхтреме Труcк (International CХТ)
- Узунлиги: 6,55 метр
- Баландлиги: 2,55 метр
CХТ номи билан танилган Commercial Эхтреме Труcк пикап ва юк машинаси функцияларини бирлаштириш учун ишлаб чиқилган. Ушбу автомобиль катта юк кўтариш қобилиятига ва беш кишига мўлжалланган қулай интерерга эга.
Алтон Ф650
- Узунлиги: 7 метр
- Оғирлиги: 12 тонна
Алтон Ф650 бу — Форд Ф650 нинг модификацияланган версияси. У кучли двигатель ва пневматик “подвеска” билан жиҳозланган бўлиб, саккизтагача йўловчини ташишга қодир. Еттита эшик ва кенг салони билан йирик автомобиллар ишқибозлари орасида машҳур.
Chevrolet Кодиак
Кодиак ажойиб универсаллик ва индивидуал ёндашувни таклиф қилувчи ўрта даражадаги юк машинаси платформасига асосланган. Кодиак 300 от кучига эга V8 дизель двигатель, юк рессорлари ўрнига пневматик “подвеска” ва премиум мултимедиа тизими, навигация, телевизорлар билан жиҳозланган. Автомобильнинг бошланғич нархи эса 70 минг доллардан бошланади.
Dodge Power Wагон (Шайх Ҳамад учун)
- Узунлиги: 15 метр
Шайх Ҳамад бин Ҳамдан Ол Наҳаён учун махсус яратилган Dodge Power Wагон дунёдаги энг катта йўлтанламаслардан бири. Бу гигант 1950 йиллардаги классик Америка юк машинасининг 8 баравар катталаштирилган нусхаси ҳисобланади. Автомобиль ичида ошхона ва ётоқхонаси бўлган тўлиқ хоналар мавжуд. Шайх Ҳамаднинг Dodge Power Wагони дунёдаги энг ноёб автомобиллардан бири ҳисобланади.
Mercedes-Benz Г63 AMG 6×6
- Узунлиги: 5,87 метр
- Эни: 2,1 метр
- Баландлиги: 2,3 метр
Mercedes-Benz Г63 AMG 6×6 — ҳашамат ва энг оғир шароитларга бардош бериш қобилиятини бирлаштирган ноёб йўлтанламасдир. Олтита ғилдирак ва кучли 5,5 литрли V8 двигатели билан жиҳозланган автомобиль чўл қумларидан тортиб, тик қияликлардан юқорига кўтарила олади. Экстрим ишқибозлари учун яратилган Г63 AMG 6×6 қудрат рамзига, шунингдек, ҳашаматли ва экстремал машиналарни қадрловчилар орасида машҳур автомобилга айланди.
Форд Биг Ред
- Узунлиги: 17 метр
- Эни: 2,5 метр
Форд Биг Ред — 1960 йилларда яратилган экспериментал юк машинаси бўлиб, у магистрал юк машиналарининг келажагини тақдим этиши керак эди. Ушбу ноёб прототип аэродинамик кабинага эга бўлиб, газ турбинали двигатель билан жиҳозланган. Узоқ маршрутларга мўлжалланган Форд Биг Ред нафақат қувват ва унумдорликни, балки ҳайдовчи учун юқори даражадаги қулайликни ҳам таклиф қилди. Кабина ётоқхона, музлаткич ва ҳатто телевизор билан жиҳозланган — бу ўз даври учун мислсиз ҳашамат эди.
Дункел Industries Luxury 4×4
- Узунлиги: 9,75 метр
- Эни: 2,5 метр
- Баландлиги: 3,5 метр
Дункел Industries Luxury 4×4 — экспедиция ва автоном яшаш учун мўлжалланган энг ҳашаматли ва функсионал йўлтанламаслардан бири. Форд Ф-650 юк машинаси базасида қурилган бу автомобиль имкониятлар ва қулайликнинг ноёб комбинациясидир. Автомобиль ошхона, ётоқхона, ваннахона ва мототцикл ёки квадратциклларни сақлаш жойи бўлган кенг турар жой билан жиҳозланган.
Ушбу модел нафақат катталиги билан, балки премиум тоифадаги мобил уй тушунчасини ҳам ўзида мужассамлаштириши мумкинлигини исботлайди.
Изоҳ (0)