Москвада полиция ходимлари “Теплий стан” метро станциясида уйсиз эркакни ушлади. Ҳужжатлар текширилганда у “Евразбанк”нинг собиқ вице-президенти ва “Сол Рус” очиқ акциядорлик жамияти директорлар кенгашининг собиқ раиси Вячеслав Чикалин экани аниқланди. Бу ҳақда “Газета.ру” хабар берди.
53 ёшли эркак фирибгарлик ва ўғрилик жиноятлари бўйича қидирувда бўлган. Чикалиннинг ўзи ўзини “бомж” деб атаган ва ҳозирда уруш зонасида хизмат қилаётгани, Москвада эса икки ҳафталик таътилни ўтказаётганини маълум қилган.
Унинг маълумотлари юзни аниқлаш базасида мавжудлиги эркакнинг шахсини аниқлашда ёрдам берган. Терговчилар эркак билан ишлашни якунлаганидан сўнг, у, эҳтимол, яна “махсус ҳарбий операция” ҳудудига қайтарилади, дейилади хабарда.
2021 йил март ойида тадбиркорга “Транспорт” банкидан маблағ ўғирлаш иши бўйича 7 йиллик озодликдан маҳрум қилиш жазоси тайинланганди.
2013 йилдан 2015 йилгача Чикалин ва яна олти нафар айбланувчи қайтарилмаслиги олдиндан маълум бўлган кредитларни расмийлаштириш орқали банкдан деярли 22 миллиард рубль миқдоридаги маблағни ўзлаштирган.
Изоҳ (0)