Россиялик миллиардерларнинг умумий бойлиги йил бошидан буён 18,293 миллиард долларга ошди. Бироқ Алишер Усмоновнинг бойлиги 2,8 миллиард долларга камайди. Тегишли маълумотлар Bloomberg Billionaires Index (BBI) да келтирилди.
“ЕвроХим” ва Сибир кўмир энергетика компанияси (СУЭК) мулкдори Андрей Мельниченконинг бойлиги сезиларли даражада ортган, жумладан, 5,29 миллиард долларга ошган. Унинг ҳозирги капитали 24,1 миллиард долларни ташкил қилади. Энг катта зарарни USM Holdings асосчиси Алишер Усмонов кўрди, унинг бойлиги 2,8 миллиард долларга камайиб, 18,3 миллиард долларга етди.
Bloomberg рейтинги бўйича энг бой 10 нафар россияликлар қуйидагилар:
- “Норникель” компаниясининг мулкдори Владимир Потанин (+768 миллион доллар, ҳозирги бойлик 31,8 миллиард доллар);
- НЛМК пўлат компаниясининг бенефициари Владимир Лисин (+2,91 млрд доллар, бойлиги 26,9 млрд доллар);
- НОВАТЕК мулкдори Леонид Михелсон (-747 млн доллар, бойлиги 26,7 млрд доллар);
- ЛУКОЙЛ мулкдори Вагит Алекперов (+1,79 млрд доллар, бойлиги 26,4 млрд доллар);
- Северсталь бенефициари Алексей Мордашов (+3,75 млрд доллар, бойлиги 24,6 млрд доллар);
- Андрей Мельниченко (+5,29 млрд доллар, бойлиги 24,1 млрд долларгача);
- Алишер Усмонов (-2,8 млрд доллар, бойлиги 18,3 млрд доллар);
- Михаил Прохоров (+1,38 млрд доллар, бойлиги 17,1 млрд доллар);
- Аlfa Group асосчиси Михаил Фридман (+1,21 млрд доллар, бойлиги 13,5 млрд доллар);
- НОВАТЕК ва “Сибур” мулкдори Геннадий Тимченко (-1,45 млрд доллар, бойлиги 12,7 млрд доллар).
Хитойнинг Hurun тадқиқот институтининг март ойида эълон қилган рейтингига кўра, ўтган йил ичида Россияга олти нафар долларлик миллиардерлар қўшилди. Бу мамлакатда 76 миллиардер билан еттинчи ўринга чиқишга имкон берди. Рейтингни тузганлар “миллиардерлар миграцияси”нинг ўсиб бораётганини таъкидлади: АҚШ, Буюк Британия, Швейцария ва Сингапур энг кўп афзал кўриладиган давлатлар қаторига киради.
Изоҳ (0)