АҚШ Молия вазирлиги санкциялар рўйхатига тўрт нафар россиялик миллиардер, Аlfа Group асосчилари Михаил Фридман, Пётр Авен, Герман Хан ва Алексей Кузмичевни қўшди. Бу ҳақда вазирлик сайтида хабар берилди.
Рўйхатга мамлакатнинг энг йирик бизнес уюшмаси бўлмиш Россия саноатчилар ва тадбиркорлар иттифоқи (РСТИ) ҳам киритилган. Январь ойида миллиардер Алишер Усмонов нафақага чиқиши сабабли РСТИ бошқаруви бюроси аъзолигидан чиқиб кетганди.
АҚШ Ғазначилик департаментининг (OFAC) Хорижий активларни назорат қилиш бошқармаси Фридман ва бошқа акциядорлар томонидан асос солинган Аlfа Group’га ҳеч қандай чекловлар қўлланмаслигини таъкидлади.
Сҳунки компания санкция остидаги шахсларнинг 50 фоизи ёки ундан ортиғига тегишли эмас.
- 2022 йил февралда Россиянинг Украинага бостириб киришидан кўп ўтмай, Европа Иттифоқи (ЕИ) Кремлга алоқаси сабабли Михаил Фридман ва Пётр Авенга санкция қўллаган.
- Буюк Британия ҳам уларга қарши санкциялар киритган. Фридман ва Авен уларга қўйилган чекловларга қарши чиқишга ҳаракат қилмоқда. 2023 йил июль ойида Европа умумий юрисдикция суди Фридманнинг ЕИ кенгашига қарши даъвосини кўриб чиқишни бошлади.
- Кузмичев ва Хан ҳам Европа Иттифоқи ва Буюк Британия санкциялари остида.
Изоҳ (0)