Литва президенти Гитанас Науседа миллиардер Роман Абрамовичнинг фарзандлари Россия ҳукуматига Европа Иттифоқи санксияларини четлаб ўтишда ёрдам берган ёки йўқлигини текширишга чақирди. Бу ҳақда Meduza хабар берди.
Литва раҳбари Siena нашри ва OCCRP лойиҳаси томонидан россиялик тадбиркорнинг ўғли ва қизида Литва паспортлари аниқлаганига муносабат билдирди. Науседа Литва пасспорти Абрамовичнинг фарзандларига амалдаги қонунларга мувофиқ берилганини айтди. Аммо, унинг фикрича, бундай ҳолатда фуқаролик қандай мақсадда қўлланганини текшириш керак.
“Улар, масалан, Европа Иттифоқининг Россияга қарши санксиялари механизмида иштирок этганини текширишимиз керак. Улар санксиялар режимини амалга оширишга тўсқинлик қилган ёки бошқа йўл билан ҳисса қўшгандир”, — деди президент журналистларга.
Аркадий Абрамович Литва паспортини 2022 йил 22 февралда — Россиянинг Украинага кенг кўламли бостириб кириши бошланишидан икки кун олдин олган. Абрамовичнинг қизи қачон ҳужжат олганини аниқлаш имкони бўлмаган. Миллиардернинг бошқа фарзандларида Литва паспорти бор-йўқлиги номаълум. Абрамовичнинг жами етти нафар фарзанди бор: уч ўғил ва тўрт қиз.
Изоҳ (0)