Россиялик миллиардер Алишер Усмонов Халқаро қиличбозлик федерацияси (FIE) президенти лавозимига номзод бўлди. FIE раҳбарини сайлаш 30 ноябрь куни Тошкентда бўлиб ўтади.
Усмонов 2008 йилдан буён FIEни бошқариб келаётганди. 2022 йил март ойида у Европа Иттифоқи томонидан унга қарши киритилган санкциялар туфайли ўз ваколатларини тўхтатганди. FIE расмий сайтида берилган маълумотларга кўра, Усмонов номзодини Россия, Беларусь, Сербия ва Хитой қатори 103 мамлакатнинг миллий федерациялари кўрсатган ёки қўллаб-қувватлаган. Сайловларда Усмоновнинг ягона рақиби швециялик Отто Дракенберг бўлади. Унинг номзодини фақатгина Швеция қўллаб-қувватламоқда.
FIE раҳбари сайлови 30 ноябрь куни ташкилотнинг Тошкентдаги конгрессида бўлиб ўтади. Айни пайтда Греция вакили Эммануэл Кациадакис халқаро федерация раҳбари вазифасини вақтинча бажариб келмоқда.
71 ёшли Усмонов Россиядаги 125 миллиардер рейтингида тўққизинчи ўринни эгаллаб турибди, унинг бойлиги 13,4 миллиард долларни ташкил этади. Усмонов қиличбозлик бўйича спорт устаси бўлиб, 2008 йилдан буён FIEга раҳбарлик қилган ва 2012, 2016, 2021 йилларда қайта сайланган.
2022 йил март ойида у Европа Иттифоқи томонидан унга қарши киритилган санкциялар туфайли ўз ваколатларини тўхтатганди. Шундан сўнг, Кациадакис FIE президенти вазифасини бажарувчи бўлган. 2023 йил май ойида Усмонов унга қарши Европа Иттифоқи санкциялари туфайли судга эътироз билдирди. Европа суди Усмоновнинг даъвосини рад этди ва ЕИ позициясини қўллаб-қувватлади. Шунингдек, Усмонов 2001 йилдан 2009 йилгача Россия қиличбозлик федерациясини бошқарган.
Изоҳ (0)