Халқаро санкциялар остида қолиб кетган ва Россия президенти Владимир Путин босимига учраган россиялик миллиардерлар Европадан ўнлаб миллиард долларлик активларини олиб чиқиб кетишди.
Кремль Россиянинг энг бой фуқароларига ўз активларини “дўстона эмас” деб аталган мамлакатлардан ватанига қайтариш учун босим ўтказмоқда, деб ёзади Bloomberg.
Икки томонлама солиқ тўлашни четлаб ўтиш бўйича шартнома тўхтатилди, шу муносабат билан Россия компаниялар учун дивидендлар тўлаш ёки Европа каби юрисдикцияларда рўйхатдан ўтган субъектларга активларини сотишни қийинлаштирмоқда.
2023 йил август ойида магнатлар Игор Шилов ва Марк Курсер томонидан назорат қилинадиган United Medical Group SY Pls ва МD Medical Group Investments Pls акциядорлари компанияларни Кипрдан Россияга кўчиришни маъқулладилар.
Bloomberg маълумотларига кўра, бу жараён 2022 йил февралидан бери Россиянинг энг бадавлат кишилари томонидан олиб чиқиб кетилган активларнинг умумий қийматини камида 50 миллиард долларга ошириши мумкин.
Материалда айтилишича, энди энг бой россияликлар ўз активларини жойлаштириш учун камроқ жойларга эга, чунки уларнинг кўпчилиги АҚШ, Буюк Британия ёки Европа томонидан санкциялар остида.
Кипр, Жерси ва Швейцария каби жойларда рўйхатдан ўтган активларнинг Россияга, шунингдек, Бирлашган Араб Амирликлари ва Қозоғистон каби Кремль томонидан дўстона ҳисобланган мамлакатларга ўтказилиши урушдан кўп ўтмай бошланди. Биринчи кўчишлар орасида миллиардер Андрей Гурев ва пўлат магнати Виктор Рашниковнинг Швейцария ва Кипрдан Россияга кўчирилган оилавий активлари бор эди. Бошқалар, масалан, миллиардер Игор Алтушкин, кейинчалик уларга эргашди.
Bloomberg хабар қилишича, нафақат миллиардерлар, балки бошқа россияликлар ҳам ўз активларини ватанларига ўтказишмоқда. Бу йил Россиянинг офшор зоналарига 115 та компания кўчиб ўтди ва уларнинг сони 254 тани ташкил этди.
Изоҳ (0)