Францияда пул ювишда гумонланиб ҳибсга олинган россиялик миллиардер, Аlfа Group асосчиси Алексей Кузмичев саккиз миллион евро гаров эвазига озод этилди. Бу ҳақда мамлакат молия прокуратурасига таяниб, Lе Моndе нашри хабар берди.
Россиялик миллиардерга нисбатан солиқлардан бўйин товлаш ва пул ювиш айблари қўйилган. Кузмичев суд назорати остига олинди ва унга Франциядан чиқиб кетиш тақиқланди.
Кузмичевнинг ҳибсга олингани ҳақида 30 октябрь куни маълум бўлганди. Иш юзасидан тергов доирасида тадбиркорнинг Париждаги уйи ва Сен-Тропедаги вилласида тинтувлар ўтказилди.
2022 йилнинг март ойида Алексей Кузмичев Европа Иттифоқи санкциялари остига тушган. Чекловлар тадбиркорнинг ЕИга киришини тақиқлайди, бироқ Lе Моndе нашрига кўра, у санкциялар рўйхатига киритилган вақтда аллақачон Францияда бўлган. Санкция тўғрисидаги қарор кучга кирганидан сўнг, Кузмичев Аlfа bank директорлар кенгашидан истеъфога чиқди, унда миллиардер акцияларнинг 16 фоизига эгалик қиларди.
Изоҳ (0)