Россиялик тадбиркор Алишер Усмонов ўз ихтиёри билан Халқаро қиличбозлик федерацияси (FIE) президенти лавозимидаги фаолиятини тўхтатди. Бу ҳақда ташкилот сайтида хабар берилди.
Усмонов 30 ноябрь куни Тошкентда бўлиб ўтган ташкилот конгрессида FIE раҳбари лавозимига қайта сайланган эди.
“FIE Ижроия қўмитаси федерациянинг самарали фаолиятини таъминлаш мақсадида Алишер Усмоновнинг FIE президенти лавозимини ўз ихтиёри билан тўхтатиш тўғрисидаги қарори ҳақида хабардор қилинди”, дейилади хабарда.
Тошкентда FIE президентлиги учун бўлиб ўтган сайловда Усмоновнинг рақиби Швеция қиличбозлик федерацияси президенти Отто Дракенберг бўлди. Усмонов 120 та, Дракенберг 26 та овозни қўлга киритди.
71 ёшли Усмонов номзодининг ушбу лавозимга илгари сурилиши ҳақида октябрь ойи охирида маълум бўлган эди. Уни 100 дан ортиқ мамлакат қиличбозлик федерациялари қўллаб-қувватлади.
Усмонов FIE’ни 2008 йилдан буён бошқариб келади. 2021 йил ноябрь ойида у сайловда ягона номзод бўлиб, янги муддатга федерация президенти этиб қайта сайланган эди. 2022 йилнинг март ойида Усмонов Европа иттифоқи томонидан унга қарши жорий қилинган санкциялар туфайли ўз ваколатларини тўхтатди.
2023 йил март ойида FIE россиялик спортчиларга нейтрал мақомда мусобақалашишга рухсат беришга қарор қилди.
Изоҳ (0)