Adidas ва Puma ўртасидаги кураш, Илон Маск ҳақидаги ҳикоя, Uber’ни яратилиш жараёни ҳамда муваффақиятли бизнесларнинг қандай қурилганлиги ҳақидаги мазкур фильмлардан нафақат яхши кайфият, балки бизнес ҳақида ҳам кўплаб маълумотларга эга бўлишингиз мумкин.
Ferrari
Чиқарилган йили: 2023 йил
Жанр: биография, тарихий, драма
Фильмда Ferrari асосчисининг фожиали ҳаёти, оилавий муаммолари, молиявий инқироз ва ҳатто Ватиканнинг унга нисбатан қилган тазйиқи ҳақида ҳикоя қилинади. Охир-оқибат энг зўр дизайнер ва бизнесмен Энзо Феррари буларнинг барчасини енгиб ўтиб, ўз номини автомобиль саноати тарихига ёзишнинг уддасидан чиқади.
“Чегара: Uber учун жанг”
Чиқарилган йили: 2022 йил
Жанр: драма
Сериал реал воқеаларга асосланган бўлиб, Uber’нинг муваффақиятга эришиш йўли, унинг асосчиси ва собиқ бош директори Тревис Каланикнинг кўтарилиш ва пасайишлари ҳақида ҳикоя қилади. Сериални томоша қилгандан сўнг бизнес бўйича тўлиқ қўлланма ўқигандек бўласиз — жамоада кимлар бўлиши шартлиги, инвесторлар билан қандай муносабатда бўлиш, ҳатто корпоратив тадбирларни қандай ташкил қилиш кераклигини ўрганасиз.
“Асосчи”
Чиқарилган йили: 2016 йил
Жанр: драма
McDonald’s корпорацияси ва унинг асосчиси Рей Крокнинг компанияни қандай яратиши ва ривожланиши ҳақида ҳикоя қилади. Фильмда унинг бизнесга таъсири ва компаниянинг глобал муваффақиятига олиб келган ўзгаришлар тасвирланади.
“Илон Маск: ҳақиқий темир одам”
Чиқарилган йили: 2018 йил
Жанр: ҳужжатли фильм
Америкалик муҳандис, ихтирочи ва миллиардер Илон Маскнинг ҳаёти ва ютуқлари
ҳақидаги фильм.
“Қора душанба”
Чиқарилган йили: 2019 йил
Жанр: комедия
1987 йилнинг 19 октябри қора душанба деб аталади. Ўша куни жаҳон фонд бозорлари даҳшатли даражада қулайди. Брокерлар ҳақидаги мазкур сериал йирик компаниядаги ходимларнинг ролини баҳолашга ёрдам беради. Шунингдек, банклар ва мерос масалалари билан шуғулланиш ҳақида кўп нарсаларни билиб оласиз.
“Ака-ука дуэли: Adidas ва Puma тарихи”
Чиқарилган йили: 2016 йил
Жанр: драма
Фильмда Adidas ва Рита компанияларига асос солган ака-ука ўртасидаги зиддият, оилавий бизнеснинг ажралишига ва дунёдаги иккита етакчи спорт кийими ва пойабзал брендининг яратилишига олиб келган бизнес ёндашувлар ҳақида ҳикоя қилинади.
“Стив Жобс”
Чиқарилган йили: 2015 йил
Жанр: ҳужжатли фильм
Фильм Стив Жобснинг шахсиятига бағишланган. Режиссёр IT тадбиркорни ҳар томондан ўрганади, нафақат унинг кучли, балки заиф томонларини ҳам кўрсатади. Бош қаҳрамон билан бирга томошабин биринчи iМаc компьютеридан тортиб iPhone смартфонигача қандай яратилгани билан танишади.
“Ижтимоий тармоқ”
Чиқарилган йили: 2010 йил
Жанр: драма, биография
Энг машҳур ижтимоий тармоқлардан бири Facebook’нинг яратилиш тарихи ҳақидаги фильм. Ушбу тармоқнинг бутун дунё бўйлаб фойдаланувчилар орасида муваффақияти Гарвард университети талабаларининг ҳаётини ўзгартириб юборади — улар бир неча йил ичида энг ёш мултимиллионерга айланишади.
Изоҳ (0)