Netflix фильмлари ўзига хос сифати билан миллионлаб фойдаланувчилар кўнглидан аллақачон жой олган, стриминг хизматининг юқори кўрсаткичлари буни доим тасдиқлайди. Қуйида сўнгги йилларда компанияга катта машҳурлик олиб келган фильмлар рўйхатини ҳавола этамиз.
“Қуш қутиси”, 2018 йил
Кўзга кўринмас ёвуз кучлар аҳолининг кўп қисмини ўз жонига қасд қилишга ундаганидан беш йил ўтиб, фильм қаҳрамони ва унинг икки фарзанди бундай ерлардан қочишга жон-жаҳди билан уринади.
“Ирландиялик”, 2019 йил
Бир кун келиб у йирик жиноятчига айланишини хаёлига ҳам келтирмаган эди. Аммо тақдир тақозоси билан ўспирин бола Расселл Буфалинога дуч келади ва унинг майда, аммо қонунга зид бўлган махсус топшириқларини бажаришга мажбур бўлади.
“Тайлер Рейк: қутқарув операцияси”, 2020 йил
Фильм қаҳрамони топшириқ билан Бангладешга юборилади, бироқ унинг кейинги миссияси омон қолиш учун курашга айланади.
“Кечирилмас айб”, 2021 йил
Рут Стейлер қотиллик содир этгани учун жазо муддатини ўтаб, эндигина қамоқдан чиққан эди. Энди у ўз ҳаётини бошидан бошлашни ва ташлаб кетишга мажбур бўлган синглисини топишни истайди. Аммо жамият унинг гуноҳини кечиришга ҳали тайёр эмас.
“Тепага қараманг”, 2021 йил
Икки нафар астроном бутун инсониятни Ер шарига яқинлашиб келаётган ҳалокатли комета ҳақида огоҳлантириш учун медиа-турга боради.
“Қизил огоҳлантириш”, 2021 йил
Федерал қидирув бюроси агенти бутун дунёда қидирувга берилган санъат асарлари ўғриси ортидан таъқиб қилаётган пайтда беихтиёр ўғриликка шерик бўлиб қолади.
“Бинафшаранг юраклар”, 2022 йил
Санъатга энди кириб келган ёш қўшиқчи қиз ҳарбий-денгиз аскари билан сохта никоҳ қуради, аммо яқин орада уни чиндан ҳам севиб қолишини хаёлига ҳам келтирмайди.
“Адам лойиҳаси”, 2022 йил
Адам Рид вақт машинасида ўтмишга саёҳат қилган пайт 12 ёшли даврига бориб қолади. Энди ортга қайтиш учун унга фақат ўзининг болалиги ёрдам бера олади.
“Кулранг одам”, 2022 йил
Марказий разведка бошқармасининг собиқ агенти ўз ҳамкасбларининг нишонига айланади. Энди у буёғига қандай йўл тутиш кераклиги ҳақида қарор қабул қилиши керак.
“Қинидан чиққан пичоқлар-2”
Жаҳонга машҳур детектив Бенуа Блан миллиардер дўстининг барча сирларини фош этиш учун Грецияга йўл олди.
Изоҳ (0)