«Ниқоб» эмас, «Кабелчи»: Голливуднинг машҳур актёр ва актрисалари қайси роллари билан фахрланади? (фото)

AdMe Голливуднинг машҳур актёрлари қайси роллари билан фахрланишларини ва улар қандай фильмларни ўзгача илиқлик билан ёдга олишларини аниқлади.

Леонардо Ди Каприо — «Авиатор» (2004)

Ди Каприо турли даражадаги муваффақиятли ролларнинг бутун арсеналига эга. Гарчи унинг «Муқаддима» фильми энг юқори рейтингга эга бўлса-да, актёрнинг ўзи «Авиатор» биографик драмасидаги ижроси билан фахрланади. Лео ролини ижро этган миллиардер учувчи Ховард Хьюз обсесив-компулсив касалликдан азият чекади, бу эса актёрга болалигида бошдан кечирган шу каби муаммоларни эслатиб юборади.

Жим Керри – «Кабелчи» (1996)

Жим Керридан яхши кўрган фильмингиздаги роль қайси деб сўрашганда, у «Кабелчи» деб жавоб берган. Ушбу фильмдаги роли учун актёр 1990 йилларда рекорд даражадаги 20 миллион доллар олган. Қизиқарли томони шундаки, фильм кинопрокатда муваффақиятсизликка учрайди.

Шарлиз Терон — «Махлуқ» (2003)

«Тентак Макс: Ғазаб йўли» фильми IMDB рейтингида 8,1, «Махлуқ» эса атиги 7,3 баллга эга. Бироқ Шарлиз айнан мана шу «Оскар» мукофотига сазовор бўлган роли билан фахрланади ва буни ўз карьерасидаги бурилиш нуқтаси деб билади.

Женнифер Энистон — «Торт» (2014)

Кўпчилик телетомошабинлар Женниферни «Дўстлар» комедик сериалидаги Рейчел Грин сифатида билишади. Бироқ актриса драматик ролларни ҳам қойилмақом ижро этишини исботлади. Улардан бири сурункали оғриқдан азият чекадиган қиз Клер Беннетдир. У айнан «Торт» драмасидаги ижроси билан фахрланади ва бу ҳақда «орзулардан ташқари рол» деб гапиради.

Жон Траволта — «Фанат» (2019)

«Жиноий асар» фильмидаги роли Траволтани Голливуддаги энг талабгир актёрлардан бирига айлантирди. Бироқ Жон мазкур фильмдаги Винсент Вегани эмас, балки 2019 йилги «Фанат» фильмидаги Лос лақабли ақлдан озган мухлисни ўзининг севимли қаҳрамони деб билади.

Риз Уизерспун – «Қонундаги малласоч» (2001)

«Қонундаги малласоч» Ризнинг фильмографиясида энг юқори рейтингга эга бўлмаса-да, лекин томошабинлар унинг шу ролини кўпроқ яхши кўради. Риз Уизерспуннинг ўзи ҳам ушбу комедия қаҳрамони Элле Вудсни ўзининг севимли қаҳрамони деб атаган. Актриса унинг кучи ва қатъиятига қойил қолади. Бундан ташқари, Эл бутун дунёдаги қизлар учун ҳақиқий мотиватор ҳисобланади.

Скарлетт Йоханссон — Marvel фильмлари

Скарлеттнинг сўзларига кўра, унинг энг севимли роли юқори баҳоланган «Обрў» фильмидаги Оливия эмас, балки «Қора бева»даги суперқаҳрамон роли. Marvel фильмларида суратга тушиш актриса учун ҳақиқий тажриба бўлди ва бутун фильмлар серияси давомида қаҳрамоннинг ривожланиши Йоханссоннинг шахсий ўсишига ёрдам берди. Актриса Наташа Романофф ролига жуда масъулият билан ёндашди, ҳатто ўзи ҳам мотоциклда бир нечта трюкларни бажарди.

Бред Питт — «Жесси Жеймснинг қўрқоқ Роберт Форд томонидан ўлдирилиши» (2007)

Актёрларнинг севимли картиналари ичида тижорий муваффақиятига эриша олмаган фильм ҳам бор. Бред Питт ўзининг Жесси Жеймс роли билан фахрланади. Одатда Бред иштирокидаги фильм бир зумда машҳур бўлиб кетади, аммо мазкур фильм бундан мустасно — актёрнинг энг ёмон ишларидан бири ҳисобланади. Энг юқори рейтинг «Жанг клуби» фильмига берилган.

Райан Рейнолдс — «Бош қаҳрамон» (2021)

«Дедпул» Райан Рейнолдснинг фильмлари орасида энг юқори рейтингга эга, аммо актёрнинг ўзи «Бош қаҳрамон»даги роли билан фахрланади. Комедия банк ходими ҳақида ҳикоя қилади, у кутилмаганда атрофидагилар ва ўзи видеоўйин эканини билиб қолади.