Қалқонсимон без бу ички секреция бези бўлиб, у бутун танани бошқарадиган ва умумий саломатлик учун муҳим бўлган гормонларни ишлаб чиқаради. Американинг қалқонсимон без касалликлари уюшмаси қайд этишича, ушбу орган ҳаддан ташқари фаол ёки аксинча, ўта суст ишлаши мумкин.
Статистик маълумотларга кўра, қалқонсимон без билан боғлиқ касалликлардан эркакларга қараганда аёллар кўпроқ азият чекади.
Агар танада қалқонсимон без гормони меъёридан ортиқ ишлаб чиқарилса, унда гипертиреоз, агар ишлаб чиқариладиган гормонлар миқдори жуда кам бўлса, гипотериоз касаллиги ривожланади. Танадаги бундай ўзгаришлар бутун организм фаолиятига таъсир қилади. Қуйида эса гормонларнинг сочлар саломатлигидаги ўрни ва у билан боғлиқ хасталиклар ҳақида сўз боради.
Қалқонсимон без функциясининг бузилиши сочларнинг қуруқ, дағал ёки мўрт бўлишига ёки аксинча, сочларнинг жуда юмшоқ ва сийраклашиб кетишига олиб келади.
Фото: Тҳе Дай
Бу ҳолат учун Т3 ва Т4 номли гормонлар жавобгардир. Уларнинг даражаси нормал кўрсаткичда бўлмаса, қон томирлари орқали озиқланадиган соч фолликулаларининг илдизида янги толалар ривожланмай қолади. Британия қалқонсимон без касалликлари фонди бу ҳолатни қуйидагича тушунтиради:
Ўчоқли алопеция алоҳида-алоҳида жойларда, кўпинча думалоқ шаклда ҳосил бўладиган калликдир. Кўп ҳолларда бу вақтинчалик ва прогрессив давом этмайдиган касаллик бўлиб, ўз вақтида даво чораси қўлланганда бартараф этилади, бироқ сезиларли даражада соч тўкилишига олиб келади.
Андрогенга боғлиқ алопеция 95 фоиз беморда, асосан, андрогенетик кўринишда учрайди. Унда давомли соч тўкилиши кузатилиб, наслдан наслга ўтиши ҳам мумкин, тамоман ўсмай қолгунига қадар эса вақт ўтиши билан соч толаси мўртлаша боради.
Гипер ва гипотиреоз касалликлари кенг кўламли муаммоларни олиб келишини ҳисобга олган ҳолда, эндокринолог шифокорга ташрифни кечиктирмаслик керак.
Изоҳ (0)