Биласизми, уйқудаги ҳолатимиз ҳам соғлиғимиз ҳақида кўп нарсаларни аён қилади. Баъзан организм кўмакка муҳтожлигини тасодифан билиб олиш мумкин. Бу бир қарашда зарарсиздек туюлса-да, терининг намлик баланси камайиши, сочнинг муайян ранги ўзгариши каби майда ўзгаришлар содир бўлганда шифокор ҳузурига бориш кераклиги хусусида аввалги мақолаларда эслатиб ўтганмиз. Соғлиғимизнинг яна бир ўзига хос барометри — бу уйқу вақти. Ҳаётимизнинг учдан бир қисмини уйқу билан ўтказамиз, гоҳида ёстиқ ва кўрпа ёрдамга муҳтож эканлигимизнинг илк гувоҳи бўлади. Улар нима “демоқчилигини” қуйида билиб оласиз, деб ёзади “Новий очаг” нашри.
Ёстиқдаги доғлар
Вақти-вақти билан деярли ҳамма эрталаб ёстиғида сўлак доғларини учратади. Уйқу вақтида мушаклар бўшашганда ёстиққа сўлак оқиши нормалдир. Агар бу ҳолат тез-тез такрорланса, буни маълум қилиш учун шифокорингизга мурожаат қилишдан тортинманг: бу неврологик муаммолар, юқумли ва ҳатто иммунитет билан боғлиқ касалликларнинг илк белгилари бўлиши мумкин.
Нам ёстиқлар
Эрталаб уйғонгач, ёстиқ нам эканлигини ҳис қилдингизми? Ёки уйқу вақтидаги ноқулайлик сабабли кечаси уйғониб кетдингизми? Сизда менопауза бошланган бўлиши мумкин, унинг энг кенг тарқалган белгиларидан бири тунги терлаш. Аёл организмида эстроген гормонлари даражасининг пасайиши туфайли тананинг терморегуляцияси ўзгаради. Терморегуляция давомийлиги ва мунтазамлиги ҳамма учун ҳар хил: у ҳафтада бир-икки марта ёки кечаси бир неча марта “такрорланиши” мумкин. Аммо бу мунтазам равишда кузатилса, гинеколог-эндокринолог билан боғланиш керак.
Шуни қайд этиш керакки, климакс ёшига етмаган бўлсангиз ёки бу у эмаслигига ишончингиз комил бўлса ва уйқу вақтида терлаш кучайиб борса, шифокор билан маслаҳатлашиш зарур. Чунки гормонал кескин ўзгаришлар ҳар доим жиддийдир.
Ёстиқдаги сочлар
Одатда кунига 80 тагача соч тўкилади. Бу рақам мавсумга ва умумий ҳолатимизга қараб ўзгариб туради. Меъёрдан кўп соч тўкилиши кучли стрессга, таомномани ўзгартиришга, организмдаги гормонал ўзгаришларга нисбатан жавоб реакцияси бўлиши мумкин.
Ёстиқда тобора кўпроқ тушган сочларни кўра бошлаган бўлсангиз, қалқонсимон безни, албатта, текширишингиз керак: гипотериоз билан қалқонсимон без жуда оз миқдорда ўзига хос гормонлар ишлаб чиқарадиган ҳолатда асосан уйқу вақтида кўп соч тўкилиши қайд этилади.
Ёстиқ меъёрий ҳолатда эмас
Тўғрироғи, жуда баланд. Бошингизни баланд кўтариб ухлаш учун бошингиз остига бир неча ёстиқ қўйиб ётишни одат қилсангиз, эндокринологга мурожаат қилишингиз мумкин. ГERД ривожланиши билан гастроэзофагиал рефлюкс касаллиги — ошқозон кислотаси қизилўнгачга етиб боради ва шиллиқ қаватни безовта қилади. Бу, айниқса, чалқанча ётганда, бошни паст қилиб ухлаганда ёки тана билан тенг ҳолда тутганда кузатилади.
Кислота қизилўнгач шиллиқ қаватида тирновчи, жиғилдон қайнашини келтириб чиқаради. Ухлаб ётган одам қулайроқ позицияни топишга ҳаракат қилади, ёстиқни кўтаради ва ярим ўтирган ҳолатда жойлашади. Ўзингиз ёки яқинларингизнинг доимий равишда ёстиқни иложи борича баландроқ жойлаштириш истагини сезган бўлсангиз, ҳар эҳтимолга қарши ошқозон-ичак трактини текшириш зарур.
Мавзуга доир:
Изоҳ (0)