Калций организм учун муҳим минераллардан биридир: у тиш, суяклар, мушаклар ва нервлар саломатлиги учун муҳим ҳисобланади. Шунингдек, калций суяклар яллиғланишидан ҳам ҳимоя қилади.
Мутахассисларнинг таъкидлашича, калций етишмаслиги натижасида тана суяклардаги захираларини йўқотади. Ушбу минерал етишмаслигининг турли сабаблари мавжуд. Тартибсиз овқатланиш, баъзи дори-дармонлар, гормонал муаммолар, кўп миқдорда қаҳва истеъмол қилиш, D витамини етишмаслиги, жисмоний нофаоллик, буйрак касаллиги ёки қалқонсимон без касалликлари ҳам калций етишмовчилигига олиб келиши мумкин.
Калций етишмовчилиги турли аломатларда ўзини намоён қилиши мумкин:
- томир тортишиши;
- қўл ва оёқлардаги санчиқлар;
- тишдаги муаммолар;
- чарчоқ;
- диққатни жамлаш билан қийинчилик;
- остеопороз;
- соч тўкилиши ёки тирноқларнинг мўртлашиши.
Нохуш оқибатларга йўл қўймаслик учун калцийга бой озиқ-овқатларни истеъмол қилиш муҳимдир. Буларга пишлоқ, йогурт, сут ва сут маҳсулотлари, брокколи, карам, руккола ёки исмалоқ каби яшил сабзавотлар ва майданоз ёки арпабодиён кабилар, дуккаклилар ёки гиёҳлар киради.
Изоҳ (0)