Қалқонсимон без организмнинг кичик, аммо жуда муҳим қисмидир, у танадаги кўплаб жараёнларни тартибга солади. Ҳатто миянинг нормал ишлаши ҳам қалқонсимон без фаолиятига боғлиқ. Шунинг учун организмда энг кичик ўзгариш кузатилса ҳам шифокор билан маслаҳатлашиш жуда муҳимдир. Қалқонсимон без фаолиятига боғлиқ бўлган баъзи сезилмас аломатлар ҳақида гаплашамиз.
Уйқу билан боғлиқ муаммолар
Агар ҳеч қандай сабабсиз ухлашда қийналсангиз: узоқ вақт ухлай олмай, кечаси уйғониб кетсангиз ёки эрталаб ўзингизни ҳаддан ташқари чарчаган ҳолда ҳис қилсангиз, бу қалқонсимон безнинг ҳаддан ташқари фаоллиги натижаси бўлиши мумкин. Гап шундаки, қалқонсимон без ишлаб чиқарадиган Т3 ва Т4 гормонлари асаб тизими фаолиятини ҳаддан ташқари тезлаштириб, уйқусизликка олиб келиши мумкин.
Мавзуга доир: Уйқусизликда самарали ёрдам берувчи 10 та маслаҳат
Доимий ташвиш ва безовталик ҳисси қалқонсимон без фаолияти бузилганининг яна бир аломатидир. У ишлаб чиқаришга масъул бўлган гормонлар даражасининг ошиши мия фаолиятининг кучайишини, доимий ҳаяжонни келтириб чиқариши мумкин.
Мавзуга доир: Беҳуда хавотир ва ташвишлардан қандай қутулиш мумкин?
Ичак фаолияти қалқонсимон без ҳолатига бевосита боғлиқ. Гап шундаки, қалқонсимон без гормонлари ошқозон-ичак тракти фаолиятини ҳам бошқаради. Агар гормонлар етарлича ишлаб чиқарилмаса ёки аксинча, кўпайиб кетса, унинг иш фаолияти бузилади. Шу сабабли диарея ёки қабзият кузатиладиган бўлса, эндокринологга мурожаат қилиш ва қалқонсимон без ишлаб чиқарадиган гормон даражасини текширтириш лозим.
Сочларнинг сийраклашиши
Сочлар заифлашиб, қошлар сийраклашса, эндокринологга мурожаат қилиш керак. Қалқонсимон без гормонларининг етишмаслиги соч ўсиши циклига таъсир қилади, соч фолликулаларини карахтлик ҳолатига солиб, ўсиш жараёнини тўхтатади.
Мавзуга доир: Баҳорда соч тўкилишининг 4 асосий сабаби
Қалқонсимон без фаолиятининг ҳаддан ташқари фаол бўлишининг энг кенг тарқалган белгиларидан бири — бу ортиқча терлашдир. Бу метаболизмни рағбатлантирадиган ва энергия даражасини оширадиган қондаги гормонлар даражасининг кўпайиши билан боғлиқ.
Вазн ўзгариши
Қалқонсимон без фаолияти бузилишининг яна бир классик аломати сабабсиз вазн ортиши ҳисобланади. Без фаоллиги пасайганда, гормонлар етишмаслиги туфайли метаболизм сусаяди ва организм камроқ калорияни энергияга айлантиради.
Мавзуга доир: «Деярли ҳеч нарса емасам ҳам, озмаяпман». Эндокринолог муаммо нимада эканлигига изоҳ берди
Қалқонсимон без етарли даражада фаол бўлмаса, мия фаолияти ҳам секинлашади. Қалқонсимон без функциясининг сусайиши ташхиси қўйилган беморлар хотира билан боғлиқ муаммолар, онг хиралашиши, таниш вазифаларни ҳал қилишдаги қийинчиликлардан шикоят қилади.
Энергия даражасининг ўзгариши
Организмдаги энергия даражасининг ўзгариши ҳам қалқонсимон без фаолиятига боғлиқ: агар ўзингизни энергия манбайидек ҳис қилсангиз, юрак уриши тезлашса, бу қалқонсимон без фаолиятининг кучайганидан дарак бўлиши мумкин. Аксинча, ўзингизни ҳолсиз сезсангиз, уйқунгиз келаверса, бундай ҳолат гормонлар етишмаслиги туфайли бўлиши мумкин. Ҳар қандай ҳолатда ҳам эндокринолог текширувидан ўтишни ортга сурмаган маъқул.
Изоҳ (0)