Кўпгина омиллар — ҳам ички, ҳам ташқи, сочларингизга таъсир қилиши ва йиллар давомида ҳажмдор, соғлом ва сержило сочларни ўзгартириши мумкин. Соч ранги ва тузилишининг ўзгаришига нафақат қариш, балки стресс, парҳез, гормонлар, бўяш, соч ускуналаридан фойдаланиш, генетика ва бошқалар ҳам олиб келади.
Соч ускуналаридан мунтазам фойдаланиш
Сочингизни ҳар куни фен, дазмол ва жингалак қилиб иссиқ ҳарорат билан таъсир қилиш соч толаларини чўзиши, уни ингичка, қуруқ бўлишига олиб келади. Агар мунтазам турли ускуналарсиз юра олмасангиз, бундай асбобларингизнинг юқори сифатли эканлигига ишонч ҳосил қилинг. Керамика қопламали моделларни, шунингдек, ионли текислаш технологиясига эга моделларни танлашга ҳаракат қилинг — бу асбоблар анъанавийларга қараганда пастроқ ҳароратлардан фойдаланади. Соч турмаги учун кўпроқ вақт ажратинг ва жиҳозларда максимал ҳарорат созламаларини ишлатманг.
Гормонал ўзгаришлар
Ҳомиладорлик пайтида ва туғруқдан кейин сочларнинг тузилиши ва зичлигидаги ўзгаришлар ҳар бир онага таниш. Кўпчилик аёллар ҳомиладорлик вақтида сочлари қалинроқ ва ёрқинроқ кўринишидан хурсанд бўлади. Бу эстроген, прогестерон ва пролактиннинг юқори даражасига боғлиқ. Бироқ туғруқдан кейин бир неча ой ўтгач, гормонлар даражаси нормал даражага қайтади, бу эса “қўшимча” сочларнинг тўкилишига олиб келади.
Менопауза даврида, эстроген етишмайдиган гормонга айланганда, сочларнинг зичлиги ва тузилиши яхши томонга ўзгармайди: улар ингичка ва сийраклашиб қолади. Вазиятни фақат гинеколог буюриши мумкин бўлган гормонларни алмаштириш терапияси сифатида қўлланиладиган дорилар билан тузаца бўлади.
Қалқонсимон без сочларнинг кўриниши ва қалинлигига бевосита таъсир қилади. Гипотериоз сочларнинг сийраклашишига сабаб бўлади. Агар етишмаётган гормонларни ташқаридан мослаштирсангиз, сочларнинг зичлиги тикланиши ва ҳатто, кулранг сочларнинг рангини тиклаш мумкин.
Маълумки, кимётерапиядан кейин 2-3 ой ўтгач ўсадиган сочлар, даволанишдан олдин текис бўлишига қарамай, бирданига жингалак бўлиб қолиши ва аксинча, ранги ўзгаради. Одатда, вақт ўтиши билан сочлар даволанишдан олдинги каби бўлади.
Умуман олганда, сочлар соғлиғингиз аломати. Агар улар ингичкалаша бошласа ёки тузилишини ўзгартирса, бу сизнинг организмингизга нимадир содир бўлаётганлиги ҳақида сигнал бўлиши мумкин. Трихологга боринг ва у билан организмнинг ҳолатини ўрганиш вариантларини муҳокама қилинг.
Бўяш ва оқартириш
Сочга ранг берувчи маҳсулотлар соч толаларининг уйғунлигини заифлаштиради ва шунга мос равишда соч тузилишини ўзгартиради. Тез-тез бўяш ёки оқартириш сочларнинг қуруқроқ, мўрт бўлишига ва шикастлангандек кўринишга олиб келади. Бўёқларнинг зарарли таъсирини камайтириш учун оддий формулалар ёки табиий бўёқларни танлашга ҳаракат қилинг. Maxсус балзамлар ва ниқоблар бўялган сочларнинг кўринишини сезиларли даражада яхшилаши мумкин. Уларни эътиборсиз қолдирманг.
Генетика ва қариш
Соч тузилишини аниқлайдиган яна бир омил генетикадир. Сочингиз қандай ва қачон ўзгаришини генлар аниқлайди, эҳтимол, сочингиз онангизники билан бир хил шаклдадир. Ёшимиз улғайган сари соч фолликулалари соч ранги учун масъул бўлган камроқ меланин ишлаб чиқара бошлайди ва биз кул рангга айлана бошлаймиз: бу “дастур” ҳам бизнинг генларимизга киритилган.
Стресс ва нотўғри овқатланиш
Ташвишланиш ҳолатида яшаш сочларнинг ингичкалашига, тузилиши ва кўринишининг ўзгаришига олиб келадиган омиллардан биридир. Мисол учун, баъзи травматик, оғриқли ҳодисалардан сўнг, сочларнинг 70 фоизигача бўлган қисми тўкилиб кетиши мумкин, бу эса телоген фазага — йўқотиш босқичига вақтидан аввал ўтишига сабаб бўлади. Бундан ташқари, бу дарҳол содир бўлмайди, лекин одам нохуш ҳодисаларга дуч келганидан кейин уч ой ичида .
Протеин етишмовчилиги бўлган парҳез ҳам соч кўринишига энг яхши таъсир кўрсатмаслиги мумкин. Ям-яшил ва порлоқ сочлар учун сиз тўлиқ овқатланишингиз керак, шунингдек, вақти-вақти билан махсус витамин комплексларини қабул қилишингиз керак, бу ҳақда шифокор билан маслаҳатлашиш яхшироқдир.
Мавзуга доир: