Агар вазият ҳозиргидек давом этаверса, Украина Россия билан можарода ютқазади. Бу фикрни Украина собиқ ташқи ишлар вазири Дмитрий Кулеба билдирди.
Бизда бугунги кунда воқеалар ривожини ўзгартириш учун воситалар ва ресурслар борми? Йўқ. Агар воқеалар шу тарзда давом этса, биз ютқазамиз, деди у Financial Times газетасига берган интервьюсида.
Кулеба “жанг майдонидаги вазият ёмонлашмоқда”, деб қўшимча қилди. Собиқ вазир бу вазиятда биринчи навбатда Киевни етарлича қурол-яроғ билан таъминламаётган Ғарб иттифоқчиларини айблади.
Олий Рада депутати Маряна Безуглая аввалроқ Украина давлатчилигининг барбод бўлиш хавфи борлигини маълум қилган эди. “Ижтимоий мониторинг” таҳлилий марказининг сўровига кўра, украиналикларнинг 64 фоизи аллақачон Россия Федерацияси билан ўт очишни тўхтатиш бўйича музокаралар тарафдори.
Украина ташқи ишлар вазири сифатида фаолият юритган Дмитрий Кулеба жорий йилнинг 5 сентябрь куни лавозимидан озод этилганди.
Сиёсатчи бир қанча вазирлар ва бош вазир ўринбосарлари каби истеъфосини Украина парламентига тақдим этган. 5 сентябрь куни Олий Радада бу масала бўйича овоз бериш бўлиб ўтганди.
Украина Олий Радасида 240 нафар депутат Кулебанинг истеъфоси учун овоз берган, фақат бир киши қарши чиққан.
Жараёнда Дмитирй Кулеба иштирок этмаган ва фаолияти бўйича ҳисобот тақдим қилмаган.
Кулеба ўрнига Андрей Сибига Украина ташқи ишлар вазири лавозимига тайинланган.
Изоҳ (0)