Киевда кадрлар ўзгаришига бир неча ой тайёргарлик кўрилди ҳамда Украинадаги Ғарб дипломатлари бундан хабардор бўлган, деб ёзади Financial Times.
“Ўзгаришларга бир неча ой давомида тайёргарлик кўрилаётган эди. Бу Украина сиёсий элитаси ва Киевдаги Ғарб дипломатлари учун кутилмаган воқеа бўлмади”, дейилади хабарда.
Манбаларга кўра, ўзгартиришлар, хусусан, Украина Вазирлар маҳкамасидаги (ВМ) кам овозлар муаммосини ҳал қилишга қаратилган. Айни пайтда ВМ беш нафар вазир вазифасини бажарувчидан иборат бўлиб, улар идора раҳбарлари қарор қабул қилганда овоз бериш ҳуқуқига эга эмас.
Бир кун аввал Владимир Зеленский ўз идораси раҳбари ўринбосари Ростислав Шурмани ишдан бўшатган эди. Украина адлия вазири Денис Малюска, стратегик саноат вазири Александр Камишин, атроф-муҳитни муҳофаза қилиш вазирлиги раҳбари Руслан Стрелец, ТИВ раҳбари Дмитрий Кулеба, шунингдек, бош вазирнинг Европа ва Евроатлантика интеграцияси бўйича ўринбосари Олга Стефанишина ҳам истеъфога чиқиш учун ариза берган. Бош вазир ўринбосари ва реинтеграция вазири Ирина Верешчук ҳам истеъфога чиқиш ниятини маълум қилган.
Ҳукуматдаги ўзгаришлар
“Халқ хизматкори” фракцияси раҳбари Давид Арахамия бу ҳафта “ҳукуматни қайта тиклаш” бўлиб ўтишини айтди. Бу эса Вазирлар маҳкамаси ходимларининг 50 фоиздан ортиғига таъсир қилади. 3 сентябрь куни Зеленский президент офиси раҳбари ўринбосари Ростислав Шурмани ишдан бўшатди. Халқ депутати Ярослав Железнякнинг айтишича, бу қарор ҳамкорларнинг позицияси ва очиқ коррупция туфайли қабул қилинган.
Изоҳ (0)