Украина НАТОга аъзо бўлади, деган ваъда бажарилиши керак, аммо украиналиклар буни яна 75 йил кута олмайди, деди мамлакат ТИВ раҳбари Дмитрий Кулеба CNN телеканалига берган интервьюсида.
“Украина НАТОга аъзо бўлганда биз бутунлай хурсанд бўламиз ва бу ваъда амалга ошади”, деди у.
Шу билан бирга, вазирнинг таъкидлашича, “сўнгги икки кун ичида” Украина НАТОга аъзолик бўйича ижобий сигналларни кўрди.
“Аммо биз Украинанинг НАТОга қўшилишини нишонлаш учун яна 75 йил кута олмаймиз. Бу вақтлироқ амалга ошиши керак, чунки НАТОга аъзо бўлишимиз Евро-Атлантика минтақасида стратегик хавфсизлик ва барқарорликни таъминлашнинг ягона йўли”, деди вазир.
Аввалроқ Украина раҳбарияти 12 июль куни НАТО бош маъмуриятига мурожаат қилиб, Россияга зарба беришга қўйилган чекловларни олиб ташлашни сўрагани хабар қилинганди.
Изоҳ (0)