Европа Иттифоқи ва Жаҳон банки гуруҳига аъзо бўлган Халқаро молиявий ҳамкорлик ташкилоти (IFC) Украинани реконструкция қилиш бўйича 500 миллион евролик сармоявий келишувни имзолади. Бу ҳақда Европа комиссиясининг Брюсселда эълон қилинган баёнотида айтилади.
“Европа комиссияси ва Халқаро молиявий ҳамкорлик (IFC) ҳозиргина Украинани инклюзив ва барқарор реконструкция қилишни таъминлашга ёрдам берадиган инвестицияларни қўллаб-қувватлаш бўйича кафолат шартномасини имзоладилар. Келишув доирасида ЕИ 90 миллион еврогача молиявий ёрдам ажратади.
Дастур доирасида жалб қилинган хусусий сектор инвестициялари барча соҳаларда, жумладан, асосий инфратузилмани яратиш ва маҳсулотлар ишлаб чиқариш, декарбонизацияни рағбатлантириш ҳамда озиқ-овқатлар билан таъминлашга сарфланиши кутилмоқда”, — дейилади ЕИ баёнотида.
Аввалроқ Европа Иттифоқи Россиянинг музлатилган активларидан тушган даромадни Украинани қўллаб-қувватлашга йўналтирмоқчи эканлиги маълум қилинганди.
Изоҳ (0)