Украина президенти Владимир Зеленский музлатилган Россия активларининг бир қисмини Украинани қайта тиклаш учун сарфлашга чақирди. Бу ҳақда Зеленскийнинг Давосда сўзлаган нутқига таяниб, BBC хабар берди.
Украина президенти музлатилган Россия активларининг бир қисмини қайта тиклаш учун Украинага ўтказиш кераклигини айтди ва Ғарб солиқ тўловчилари “Украина учун пул тўламаслиги” кераклигини қўшимча қилди.
Давосдаги Жаҳон иқтисодий форуми арафасида BBC мухбирининг банкирларнинг хавотирларига қарамай, буни қандай қилиш кераклиги ҳақидаги саволига жавоб берар экан, Украина президенти шундай деди:
“Агар бизда Россиянинг 300 миллиард долларлик активлари бўлса, уларни тўғридан тўғри Россия ракеталари томонидан вайрон қилинган нарсаларни тиклаш учун ишлатишимиз керак... Нима учун сизнинг жамиятингиз бизда 300 бўла туриб, қандай ёрдам бериш ҳақида ўйлаши керак?”, — деди у.
Зеленский Давосда Уолл-стрит молиячилари, жумладан, JP Morgan молиявий конгломератидан Жейми Димон ва Blackstone’дан Стивен Шварсман билан учрашди.
Британиянинг Standard Chartered банки бош директори Билл Винтерснинг айтишича, Зеленский таклифининг амалга оширилиши хавотирли прецедент яратиши мумкин.
Изоҳ (0)