Жаҳон банки Украинага 750 миллион доллар миқдорида янги ёрдам пакетини эълон қилди. Бу ҳақда мамлакат бош вазири Денис Шмигал ўзининг Telegram каналида маълум қилди.
“Маблағлар Европа иттифоқига қўшилиш учун зарур бўлган институционал ислоҳотларни қўллаб-қувватлашга қаратилган “Соғлом фискал бошқарув орқали тикланишни қўллаб-қувватлаш” лойиҳаси доирасида тақдим этилади. Ушбу маблағнинг бир қисми Япония ҳукумати томонидан қўллаб-қувватланадиган Advance Ukraine жамғармасидан ажратилади”, деб ёзди у.
Шмигалнинг аниқлик киритишича, агар керак бўлса, молиялаштириш кўпайтирилиши мумкин.
Ноябрь ойи бошида Украина ҳукумати Жаҳон банки билан қарийб 600 миллион долларлик шартномалар имзолаган эди. Шмигал ўшанда айтганидек, бу маблағлар кичик ва ўрта бизнесни қўллаб-қувватлаш, “яшил энергетика”га ўтиш, ишбилармонлик муҳитини яхшилаш ва рақамлаштиришга сарфланади.
Смигалнинг қўшимча қилишича, дастурнинг режалаштирилган умумий ҳажми 1 миллиард доллардан ошади ва 2027 йилгача мўлжалланган. Шу билан бирга, бош вазир бу маблағлар Киевга қандай асосда: кредит кўринишида ёки беғараз берилишига аниқлик киритмаган.
Изоҳ (0)