Бирлашган Миллатлар Ташкилотининг Ливандаги Муваққат кучлари (УНИФИЛ) штаб-квартирасига 155 миллиметрлик жанговар артиллерия снарядлари келб тушди. Воқеа оқибатида ҳеч ким жабрланмаган.
Снаряд портламай қолган. Италиялик мутахассислар тезда ҳудудни ўраб олди ва бошқариладиган портлашни амалга оширди, дейилади УНИФИЛ Telegramъдаги хабарида. Ташкилот можаро томонларига БМТ ходимлари ва мол-мулки хавфсизлигини таъминлаш мажбуриятларини эслатди.
15 ноябрь куни УНИФИЛ хабар беришича, бир неча номаълум босқинчилар Исроил билан чегарада маршрут бўйлаб кетаётган миссия патрулига қарата ўқ узган. Бунгача тинчликпарварлар ўқ-дорилар омборини топиб, бу ҳақда Ливан армиясини хабардор қилган.
БМТ тинчликпарвар кучлари 1978 йилдан бери Ливанда. Уларнинг вазифалари ўт очишни тўхтатиш режимини кузатиш ва Ливан ва Исроил ўртасидаги Мовий чизиқ бўйлаб хавфсизликни таъминлашдан иборат.
УНИФИЛ октябрь ойида тинчликпарвар кучлар жароҳатлангани ҳақида уч марта хабар берган. 13 октябрь куни Исроил бош вазири Биньямин Нетаньяху БМТ бош котиби Антониу Гутерришга мурожаат қилиб, тинчликпарвар кучларни Ливан ҳудудидан олиб чиқишга чақирганди.
Ғазода БМТнинг 240 нафардан ортиқ ходими ҳалок бўлди
Ғазо секторида можаро бошланганидан бери ҳалок бўлган БМТ ходимлари сони 241 нафарга етди. Бу ҳақда БМТнинг Фаластин ҳудудларидаги гуманитар масалаларни мувофиқлаштириш бошқармаси маълум қилди.
Унга кўра, ҳалок бўлганларнинг 237 нафари БМТнинг Фаластинлик қочқинларга ёрдам кўрсатиш агентлиги (UNRWA) ходимларидир. Шунингдек, Жаҳон соғлиқни сақлаш ташкилоти, Ривожланиш дастури, Лойиҳа хизматлари бюроси ва БМТнинг Қўриқлаш ва хавфсизлик бошқармасидан биттадан киши Ғазода ҳалок бўлган.
Ҳисоботга кўра, Ғазода БМТдан ташқари турли халқаро гуманитар ташкилотларнинг 326 нафар ходими ҳалок бўлган, улардан 33 нафари Фаластин Қизил ярим ой жамиятининг ишчилари ва кўнгиллилар ҳисобланади.
Изоҳ (0)