Ливаннинг “Ҳизбуллоҳ” ҳаракати ҳарбийлари Исроилнинг Сафад чеккасида жойлашган Вилон ҳарбий базасига дронлар гуруҳи билан ҳужум қилди. Бу ҳақда ҳаракат матбуот хизмати хабар берди.
“Исломий қаршилик жангчилари Сафад шаҳри шарқида 36 ва 210-дивизияларнинг стратегик захира базасида камикадзелар гуруҳига ҳужум қилди”, дейилади хабарда.
Баёнотга кўра, мўлжалланган нишонларга аниқ зарбалар берилган. Исроил армияси аввалроқ Ливаннинг “Ҳизбуллоҳ” ҳаракати анча заифлашган деган хулосага келган эди.
“Биз ‘Ҳизбуллоҳ’нинг қўмондонлик тузилмасини бутунлай йўқ қилдик, энди жангларни тўхтатиш мумкин”, деди Исроил армияси бош штаби бошлиғи Герзи Ҳалеви.
Сентябрь ойи охиридан бери Исроил армияси Ливандаги “Ҳизбуллоҳ” нишонларига ердан ва ҳаводан зарбалар бериб келмоқда.
Axios нашри Исроил АҚШга Ливан билан боғлиқ вазиятни дипломатик йўл билан тартибга солиш шартлари ёзилган ҳужжатни топширгани ҳақида хабар берган эди.
Нашр манбаларига кўра, талаблардан бири Исроил мудофаа кучларининг “Ҳизбуллоҳ”ни қайта қуроллантиришга ва Ливан жанубидаги ҳудудларда гуруҳнинг ҳарбий инфратузилмасини тиклашга қарши фаол чоралар кўриш имкониятига эга бўлишдир.
Шунингдек, Исроил ўзининг ҳаво кучлари Ливан ҳаво ҳудудида эркин ҳаракат қилишини талаб қилган. Axios’нинг қайд этишича, бу икки талаб БМТ Хавфсизлик кенгашининг 1701-резолюциясига зиддир.
Изоҳ (0)