Қатар Исроилга амирлик ҳудудида жойлашган ҲАМАС гуруҳи раҳбарларини йўқ қилишдан тийилишни сўраб мурожаат қилди. Бу ҳақда Кан телеканали хабар берди.
Маълум қилинишича, сўров воситачилар орқали юборилган ва сони бўйича иккинчиси ҳисобланади. Биринчиси Теҳронда ҲАМАС етакчи Исмоил Ҳаниянинг йўқ қилинишидан сўнг айтилганди. Қатарнинг бу қадами Доҳанинг Исроил ва ҲАМАС ўртасидаги воситачиликни тўхтатиш ҳамда гуруҳнинг юқори мартабали вакилларини мамлакатдан чиқариб юбориш тўғрисидаги сўнгги қарорлари билан боғлиқ бўлиши мумкин.
Бунга жавобан Фаластиннинг Қудс-Прессе агентлиги ҲАМАС етакчиларининг Қатардан чиқариб юборилиши ҳақидаги маълумотни инкор этувчи баёнот берди. Гуруҳ вакиллари бу даъволарни чалкашлик ва келишмовчиликлар келтириб чиқаришга қаратилган “ёлғон” деб атади.
2011 йилдан бери, ҲАМАС етакчилари Суриядан чиқиб кетганидан сўнг, Қатар уларга бошпана берди ва Холид Машал каби раҳбарлар билан дипломатик алоқаларни қўллаб-қувватлади. Ҳозирда ҲАМАСни қўллаб-қувватлашга умид қилиш мумкин бўлган потенциал давлатлар сифатида Туркия, Эрон ва Ливан тилга олинмоқда.
- 17 октябрь куни Исроил Фаластиннинг ҲАМАС ҳаракати етакчиси Яҳё Синвар ўлдирилганини эълон қилди. У Ғазо секторида снайпер томонидан отиб ўлдирилган.
- 28 сентябрь куни эса Ливаннинг “Ҳизбуллоҳ” ҳаракати бош котиби Ҳасан Насруллоҳ Байрутнинг жанубий чеккасида уюштирган ҳаво ҳужумида ҳалок бўлганди. Исроил шу куни тонналаб бомбалар билан 6 та бино ва бункерларни портлатиб юборган. Улардан бирида “Ҳизбуллоҳ” етакчиси бўлганди. Ҳозирда гуруҳга Наим Қосим раҳбарлик қилмоқда.
Изоҳ (0)