Араб давлатлари лигаси ва Ислом ҳамкорлик ташкилоти давлатлари Исроилга қурол етказиб беришни чеклашга ҳаракат қилади. Ар-Риёддаги саммит якуний баёноти юзасидан Аl Hadath телеканали хабар берди.
Унга кўра, ҳужжатда саммит иштирокчилари “Исроилга қурол-яроғ экспорт қилишни тақиқлаш устида ишлаши” белгиланган. Шунингдек, ҳужжатда денгиз транспорти йўлакларини ҳимоя қилишни таъминлаш зарурлиги таъкидланган.
Якуний баёнот лойиҳасига кўра, Араб Лигасига аъзо давлатлар ва Ислом ҳамкорлик ташкилоти давлатлари Ливан ҳукуматига гуманитар ёрдам кўрсатиш ва республика иқтисодиётини қўллаб-қувватлаш учун зарур чоралар кўриш ниятида.
Саудия Арабистони пойтахтида Араб Лигаси ва Ислом ҳамкорлик ташкилоти давлатларининг Яқин Шарқдаги вазиятга бағишланган иккинчи навбатдан ташқари саммити бўлиб ўтмоқда.
Учрашув иштирокчилари Ғазо сектори ва Ливандаги можаролар бўйича умумий позицияни ишлаб чиқмоқда, тинч аҳолини ҳимоя қилиш ва қўллаб-қувватлаш йўлларини муҳокама қилмоқда, шунингдек, Исроил агрессиясини тўхтатиш учун халқаро ҳамжамиятга босим ўтказишга ҳаракат қилмоқда.
Изоҳ (0)