Жанубий кореялик олимлар Corynebacterium бактерияларини анъанавий пластмассага муқобил сифатида биологик парчаланадиган материал компонентларини яратишга “ўргатди”.
Янги материалнинг асосий “ишлаб чиқарувчилари” Corynebacterium туридаги генетик жиҳатдан ўзгартирилган бактериялар бўлиб, улар метаболик муҳандисликдан фойдаланиб, псевдоароматик дикарбоксилик кислоталарни синтез қилишни ўрганди.
Ушбу бирикмалар ноёб хусусиятларга эга экологик тоза полиэфирларнинг асосини ташкил этди. Полиэфирлар пластмасса саноатида турли хил маҳсулотларни ишлаб чиқариш учун кенг қўлланилади.
Лаборатория синовлари янги биоматериал ўзининг физик хусусиятларига кўра пластик идишлар ишлаб чиқаришда қўлланиладиган полиэтилентерефталатдан қолишмаслигини, бироқ айни пайтда у табиий шароитда анча тезроқ парчаланишини қайд этган.
Олимларнинг қайд этишича, сайёрамизнинг пластик ифлосланиши ҳалокатли даражага етган – ҳар йили саккиз миллион тоннадан ортиқ пластик чиқиндилар океанга оқизилади, оқибатда денгиз экотизимларига зарар етмоқда. Шу билан бирга, микропластиклар денгиз ҳайвонлари организмида ва ҳатто инсон тўқималарида тобора кўпроқ аниқланмоқда.
Изоҳ (0)