Статистик маълумотларга асосан мия саратонига чалинган одамлар 5 йилдан ортиқ умр кўрмайди. Касаллик жуда тез ривожланади, шунинг учун уни эрта аниқлаш муҳимдир. Бироқ олимлар тиббиёт оламида кашфиётга эришиб, мия саратонига қарши вакцина ихтиро қилди.
Саратонга қарши янги вакцина Гарвард тиббиёт мактабидаги ўқув шифохонаси бўлган Brigham аnd Women’s Hospital касалхонасидаги Холид Шоҳ лабораториясида олиб борилди. Тадқиқот давомида олимлар тирик терапевтик саратон ҳужайраларидан фойдаланди. Бу ўсимталарни кузатиш ва уларни аниқ нишонга олишда ёрдам беради.
Олимлар терапевтик саратон ҳужайралари самарадорлигини сичқонларда глиобластомани йўқ қилиш орқали синаб кўрди. Глиобластома марказий асаб тизимидаги саратон ўсимталарининг энг тез ўсувчи турларидан бири бўлиб, у орқа мия ва миянинг қўллаб-қувватловчи тўқималарида шаклланади.
Тадқиқотчилар улар яратган ўсимта ҳужайралари нафақат саратон ҳужайраларини йўқ қилиши, унга қарши узоқ муддатли иммунитетни оширишга ҳам олиб келишини айтмоқда. Шоҳнинг сўзларига кўра, тадқиқотчиларнинг асосий вазифаси саратон ҳужайраларини олиб, уларни саратон «қотили»га ва вакцинага айлантириш бўлган. Жараёнда саратон ҳужайраларини ўзгартириш учун генетик муҳандисликдан фойдаланилган.
Вакцина одамларда қандай таъсир қилишини аниқлаш учун қўшимча тадқиқотлар керак бўлади. Бироқ буни аллақачон бошланиши истиқболли деб айтиш мумкин.
Бу кашфиёт бутун инсоният учун хавфли касалликларга қарши курашда жуда муҳимдир. Агар мия онкологиясига қарши вакцина ихтиро қилинган бўлса, келажакда олимлар тўлиқ самара берадиган даволашни ишлаб чиқишига умид қилса бўлади.
Мавзуга доир: Америкалик олимлар наркотикка қарши вакцина яратди
Изоҳ (0)