АҚШда Корнел ва Нью-Йорк университети талабалари таъм сезгиларини рағбатлантириш орқали таомнинг таъмини яхшилайдиган махсус қошиқ яратди. Бу ҳақда Scientific American хабар берди.
Бўлажак олимлар махсус ошхона анжоми ёрдамида керакли натижага эришган. Улар ихтиро қилган қошиқнинг қопламаси оғиздаги рецепторларга шундай таъсир қиладики, ширин ёки шўр таъм пайдо бўлади. Қошиқнинг пастки қисмида бир нечта бўртиқлар бўлади, улар лигандлар деб аталадиган барқарор молекулалар қатлами билан қопланган.
Лигандлар таъм ҳужайралари юзасида рецептор оқсилларига таъсир қилади. Бу нейрон сигналларга таъсир ўтказиб, мияда ширинлик таъмини қайд этишга олиб келади. Тадқиқотчиларнинг фикрича, уларнинг Sugarwave деб номланган лойиҳаси қандли диабетга чалинганларга ёрдам бериши керак. АҚШда мамлакат аҳолисининг 11 фоиздан ортиғи қандли диабетдан азият чекади.
Талабаларнинг қўшимча қилишича, улар япон олимлари томонидан илгари ўтказилган тажрибадан илҳомланган. Японлар заиф электр токи орқали овқатнинг тузини кучайтирувчи таёқчалар яратган.
Мавзуга доир:
Изоҳ (0)