Машҳурлар экранда ҳамиша юзида табассум билан кўриниш бергани, образи ва макияжи мукаммаллиги боис уларда муаммо йўқдек кўринади. Аммо ҳамма сингари юлдузларнинг ҳам ҳаётида турли воқеалар юз бериши мумкин.
Белла Хадид
Энг талабгир моделлардан ҳисобланган Беллага ўхшаш учун миллионлаб қизлар ҳаракат қилади. Аммо журнал муқоваларида кулиб турган қиз кўплаб, кўз ёш тўкканини ҳамма ҳам билавермайди. Instagram саҳифасига йиғлаётган суратларини жойлаган модель, йиғлаши ҳар куни такрорланишини ёзиб қолдирган. Хадид бу орқали Instagram’даги мукаммал суратлар ҳаётдагидан фарқ қилиши мумкинлигига урғу берган. Бундан ташқари, Белланинг мақсади муаммолари ҳақида очиқ гапира олмаслиги сабабли, ўзини ёлғиз ҳис қилган барчани қўллаб-қувватлашдан иборат эди.
Адел
Кўпчилик Адел ва Саймон Конеккини турмушига ҳавас қилиб қараган. Аммо берган интервьюларида Адел, аслида бундан бир неча йиллар аввал ажрашиши керак бўлганини маълум қилган. Балки шу сабаб ҳам у депрессиядан азият чеккан бўлиши мумкин. Сал аввал берган интервьюсида эса қўшиқчи ҳатто айрилганидан кейин ҳам унга осон бўлмаганини таъкидлаган. «Депрессия ва хавотир. Бир томондан мен ўзимни каравотдан кўтара олмаганман. Бошқа томондан эса ўзимни нимадир билан банд қилишим керак эди», — деган Адел.
Кендалл Женнер
Соҳибжамол ва муваффақиятли Кендалл, камдан-кам ҳолларда интернет фойдаланувчиларига юрагини очиб-сочади. Оилавий шоулардан бирида эса у қуйидаги сўзларни таъкидлаган: «Барча менда ҳаммаси яхши эканини айтади, аммо мен ҳам ўзимни ёмон ҳис қиламан. Ҳамма буни мен шифохонага тушганимдагина ҳис қилади, холос». Журналистлар билан суҳбатда эса хавотир ва ваҳимадан азият чекишини, тун ярмида уйғониб эрталабгача ухлай олмаслигини маълум қилган.
Кара Делевин
2015 йил Кара учун омадли келган. Мода уйларидан унга келадиган таклифлар сони тинмаган. Аммо шунга қарамай, модель ўзини босим остида қолгандек ҳис қилган. «Бу вақтда мен шунчаки ўлишни истаганман. Мен бу нотўғрилиги, бахтли бўлишим ва менда бор нарсалар сабаб миннатдор бўлишим кераклигини билардим. Аммо ҳеч нима қила олмаганман. Бу аввал мен билан содир бўлмаганди», — деган у.
Эмма Стоун
Актрисани болалигидан ваҳима ва хавотирга тушиш безовта қилган. Интервьюлардан бирида юлдуз унга ҳатто малакали шифокорлар муаммони охиригача бартараф қилишга ёрдам бера олмаганини таъкидлаган. Эмма касби унинг учун қайсидир маънода дардига даво бўлгани: фаолиятидаги машғуллик салбий эмоцияларнинг йўқолишига сабаб бўлганини маълум қилган.
Изоҳ (0)