Голливуд актрисаси Сальма Ҳайек миллиардер турмуш ўртоғи Франсуа Анри Пино билан 15 йилдан бери биргаликда бахтли ҳаёт кечирмоқда. У ўзининг юқори мақомига қарамай, актрисалик фаолиятидан завқ олиши ва карьерасидан ҳеч қачон воз кечмаслиги ҳақида айтиб ўтди. Ҳайекнинг сўзларига кўра, у ўзига тўқ шароитда яшайди, аммо ишини ҳам ташлаб қўйишни истамайди.
Сальма Ҳайек ва Франсуа Анри Пино ўртасида оилавий бюджет ва мол-мулк тақсимотини тартибга солувчи никоҳ шартномаси тузилмаган. Чунки актриса турмуш ўртоғига молиявий жиҳатдан қарам бўлишни хоҳламаслигини айтган. Сальма The Wall Street Journal нашрига берган интервьюсида:
“Мен ҳаётимнинг кўп жабҳаларини мустақил қўллаб-қувватлайман. Хаёлимда доимо маълум миқдорда пул топиш учун босим борлиги менга ёқади. Ва менда ҳозиргидан ҳам кўпроқ пул топиш истаги туғилади”, деган.
Юлдузнинг қўшимча қилишича, у нуфузли ва бадавлат тадбиркор билан турмуш қургач, Ҳайекнинг танишлари у билан фақат пул билан боғлиқ мавзуларда суҳбатлаша бошлаган. Кўпчилик уларнинг никоҳини ўзаро келишув асосидаги битим деб ўйлаган.
“Мени умуман танимаган, аммо бадавлат бўлган инсонлар олдимга келиб, танишишга ҳаракат қила бошлаган. Уларнинг фикрича, барча бой инсонлар ўзаро алоқаларни ушлаб туриши лозим. Мен эса бундай танишувлардан йироқ аёлман”, дейди актриса.
Сальма Ҳайек кўп йиллар давомида Голливуддаги энг муваффақиятли актриса сифатида эътироф этилган, Франсуа Анри Пино эса миллиардер ва мода оламидаги энг нуфузли одамлардан бири. У Алехандер МcQueen, Gucci, Saint Laurent Paris, Balenciaga, Bottega Veneta, Boucheron, Brioni, Christopher Kane каби брендларга эгалик қилувчи Kering кампаниясини бошқаради.
Улар 2007 йил март ойида унаштирилган. Ўша вақтда Сальма биринчи фарзандига ҳомиладор эди. 2008 йил сентябрь ойида актриса қиз фарзандини дунёга келтирди ва 2009 йилда жуфтлик Парижда тўй маросимини ўтказди.
Изоҳ (0)