Ҳинд киносаноатига ўзига яраша ҳисса қўшган афсонавий актёрлар ҳозир қандай кўринишга эга? Қуйида ушбу саволга фотолар орқали жавоб берамиз.
Амитабх Баччан
Амитабх Баччан ҳинд киносаноатининг тирик афсонаси ҳисобланади. У 77 ёшда бўлишига қарамай, спорт билан фаол шуғуллангани сабаб анча ёш кўринади.
Дхармендра
70 йилларнинг энг келишган актёрларидан бири бўлган Дхармендра ҳаёти давомида депрессия, спиртли ичимликка ўрганиб қолиш кабиларни бошидан кечирган. Айни вақтда актёр 84 ёшда.
Прем Чопра
Прем Чопра мухлисларга салбий қаҳрамонларни гавдалантиргани билан яхши маълум. 84 ёшда бўлган актёр 60 йиллик актёрлик тажрибасига эга.
Житендра
Ҳозир фильмларда суратга тушмаётган бўлса ҳам ўзига хос ижроси билан мухлислар хотирасида қолган актёр айни вақтда 70 ёшда.
Митхун Чакраборти
Истеъдодли ва истарали Митхун Чакраборти ўз даврида аёлларнинг кумири бўлган. 69 ёшда бўлган актёр ҳозир ҳам роллари билан мухлислар қувончига сабабчи бўлади.
Дилип Кумар
50 йиллар ҳинд кинематографиясида ўз ўрнига эга бўлган актёрлардан бири бўлган Дилип Кумар «Кўҳинур», «Ганга ва Жамна», « Девдас» (1955) фильмларида қойилмақом роль ижро қилган. Айни вақтда актёрнинг соғлиғи яхши эмас.
Жеки Шрофф
63 ёшли актёр «Менинг қалбим», «Уч жаҳлдор эркак» фильмларидаги роллари билан яхши таниш.
Кабир Беди
«Бағдод ўғриси», «Саҳро шаҳзодаси», «Кобра» ва бошқа бир қанча фильмларда суратга тушган Кабир Беди айни вақтда 74 ёшда.
Ракеш Рошан
Болливуд юлдузи Ритик Рошаннинг отаси Ракешнинг ташқи кўринишига қараб, ўтган йиллар қиёфасига унчалик таъсир қилмаган, деган хулосага келиш мумкин. Бир неча йиллар аввал саратон ташхиси қўйилган актёр ҳозир 70 ёшда.
Изоҳ (0)