Туғруқдан кейинги депрессия каби тушунча ҳақида нисбатан яқинда гапирила бошланди. Баъзилар бу ташхисни инжиқлик деб атаса-да, шифокорлар туғруқдан кейинги депрессия ҳақиқатан ҳам борлигини ва янги оналарнинг 10—20 фоизида содир бўлишини айтади. Қуйида ушбу ҳолатни бошдан кечирган юлдузлар ҳақида маълумот берамиз.
Гвинет Пэлтроу
Актриса интервьюларнинг бирида ўғли Мозес туғилгандан кейин депрессияга дуч келганини айтиб ўтди. «Шифокор менга антидепрессантларни ёзмоқчи эди ва агар улар менга ҳақиқатан ҳам қўл келса, мен уларни сотиб оламан дедим. Бу воситалар, албатта, кўпчиликка ёрдам беради, лекин мен муқобил даволаш усулларини излашга қарор қилдим», – дейди актриса. Гвинетнинг сўзларига кўра, спорт билан шуғулланиш, спиртли ичимликлардан воз кечиш ва соғлом уйқу унга депрессив ҳолатни енгишга ёрдам берган.
Эль Макферсон
2003 йилда Америка шоу-бизнеси супермодель Эль Макферсоннинг иккинчи меросхўри Аурелиус Сай Андреа Буссон туғилгандан сўнг дарҳол пайдо бўлган депрессияни енгиш учун клиникага тушгани ҳақидаги хабардан ҳайратда қолди. «Маълум бўлдики, мен бу ҳолатга ўзим дош беролмайман. Менинг тузалиб, ўзимга келишимга шифокорлар ёрдам беришди», – деб эслайди модель йиллар ўтиб.
Адель
Нашрлардан бирига берган интервьюсида қўшиқчи Адель яна фарзандли бўлишга шошилмаётганини айтиб ўтди, чунки у 2012 йилда ўғли туғилгандан кейин узоқ вақт давомида депрессия билан курашди. Юлдузнинг сўзларига кўра, у антидепрессантларни қабул қилишни истамаган ва ҳис-туйғуларини кимдир билан муҳокама қилишдан қўрқади. «Депрессия пайтида сиз кимдир билан гаплашасиз, лекин улар сизга нима деб жавоб беришларини эшитмайсиз, чунки бунинг учун куч йўқ‘, – деди Адель. Хонанданинг сўзларига кўра, бошқа ёш оналар билан мулоқот унга қийин даврдан енгилроқ ўтишга ёрдам берган.
Брук Шилдс
Опра Уинфри шоусида собиқ модель ва икки қизнинг онаси Брук Шилдс кутилмаган маълумот билан бўлишди. Маълум бўлишича, у биринчи фарзанди туғилгандан кейин депрессияга дуч келган. «Роуэн доимо йиғларди ва эрим уни олдимга олиб келганида мен қўрқа бошладим. Шу пайтгача мен бошқа одамларнинг болалари билан бирга эканидан хурсанд бўлардим, лекин қизимга нисбатан мен буни ҳис қилмадим», – дейди модель. У психотерапия туфайли ҳаётидаги қийин даврни енгишга муваффақ бўлди.
Риз Уизерспун
Яқинда актриса Жамила Жамилнинг подкастида меҳмон бўлди ва у ерда туғруқдан кейин жиддий руҳий муаммоларга дуч келганини сўзлаб берди. «Менинг учта фарзандим бор, уларнинг ҳар бирининг туғилиши менга турлича таъсир қилди. Биринчи фарзандим дунёга келганида менда деярли ҳеч қандай ташвиш йўқ эди, лекин иккинчисидан кейин кучли дориларни қабул қилишга мажбур бўлдим, чунки мен ўзимда эмас эдим», – дейди Уизерспун. Актриса, шунингдек, туғруқдан кейинги тушкунлик энг кўп эътибор қаратиш керак бўлган ҳақиқий муаммо эканини таъкидлади.
Изоҳ (0)