Пластик жарроҳлик ҳақидаги фикрлар жуда хилма-хил. Баъзи инсонлар буни ҳаёт сифатини яхшилаш ва ўзларини қулай ҳис қилишнинг йўли деб билса, бошқалар эса уни табиий гўзалликни йўқотиш деб қабул қилади. Шундай бўлса-да, бу мавзу ҳар доим муҳокама марказида бўлган.
Белла Ҳадид
Ҳадиднинг биринчи операцияси ринопластика бўлиб, у юзини тартибли ва деярли эталон ҳолга келтирган. Намунавий стандартга эришиш учун Белла қош кўтариш, блефаропластика ва лабларини катталаштириш операцияларини ўтказган. Ҳадиднинг саъй-ҳаракатлари беҳуда кетмади — бугун у дунёдаги энг гўзал аёллардан бири ва энг талабгир модел ҳисобланади.
Меган Фокс
Пластик операциялардан олдин Меган оддийгина ёқимтой қиз эди. Ринопластика ўтказиб, лабларига ҳажм қўшганидан сўнг Меган Фокс янада жозибадор бўлди.
Шуни таъкидлаш керакки, кўплаб машҳурларнинг пластик операциялари деярли сезилмайди. Баъзи Голливуд юлдузлари пластик операцияларни инкор этади, гўзаллиги фақат туғма эканини даъво қилади. Бироқ бир қатор юлдузлар ташқи кўриниши учун фақат табиатга эмас, балки тажрибали мутахассисларга ва ўз ишининг профессионалларига раҳмат айтиши керак.
Блейк Лайвли
“Ғийбатчи қиз” сериали юлдузи табиий кўриниш коррексиясининг ажойиб намунасидир. Блейк ринопластика қилдирган, аммо аксарият юлдузлар сингари меъёрдан ошириб юбормаган. Унинг бурни чиройли ва уйғун шаклда тўғриланган. Кейинроқ Лайвли блефаропластика — кўзларни катталаштириш операциясини бошдан ўтказди, шу сабабли ҳам у ҳозиргача ёш кўринади.
Кира Найтли
Кира пластик жарроҳликка қарши эмас, лекин у ўзининг ташқи қиёфасига жарроҳлик аралашганини рад этади. Бироқ кўплаб жарроҳлар ундаги ўзгаришлар операция натижаси эканлигини таъкидлайди. Масалан, бурнининг орқа қисми ингичка бўлиб, лаблари ва кўзлари катталашган. Ҳар бир операция иложи борича нозик тарзда амалга оширилган ва Кирани таниб бўлмайдиган даражада ўзгартирмаган, аммо актрисанинг янада жозибали кўринишига сабабчи бўлган.
Женнифер Энистон
Энистон ринопластика қилдирганини инкор этмайди, аммо операция нафас олишига халақит берган бурун каналининг эгрилиги учун қилинганини айтади. Бироқ нормал нафас олиш учун буруннинг учини ўзгартириш ва дўнг жойини олиб ташлаш шарт эмас. Нима бўлса ҳам, янги бурун унга жуда ярашган.
Скарлетт Йоханссон
Карьерасининг бошида Скарлетт пластик жарроҳликнинг ашаддий душмани эди, аммо кейинчалик ҳамкасбларидан ўрнак ола бошлади. Йоханссон аввал кўкрагини катталаштиргач, ринопластикадан ўтишга қарор қилди. Ва у буни уддалади — ҳамма нарса меъёрида ва ҳатто табиий кўринади.
Женнифер Лопес
Женнифер Лопеснинг пластик операциялари деярли сезилмайди. Бироқ малакали жарроҳ дарҳол унинг нозик бурнини пайқайди. Женнифернинг ўзига хос гўзаллиги, шунингдек, соғлом турмуш тарзига эътибор бериши унинг машҳурлигида муҳим рол ўйнайди. У ўзининг жисмоний кўринишини сақлаб қолиш учун мунтазам равишда спорт билан шуғулланади ва соғлом овқатланади.
Изоҳ (0)