Insonning ijtimoiy mavqeyi va mashhurlik darajasidan qat’i nazar, ruhiy salomatlikka salbiy ta’sir ko‘rsatadigan vaziyatlar sodir bo‘ladi. Quyida Gollivud aktyorlaridan qaysi biri ruhiy kasalliklar shifoxonasida yotganini va ularni bunday hayotga nima olib kelgani haqida gaplashamiz.
Anjelina Joli
2018-yilda Anjelina Joli psixiatrlar yordamiga murojaat qilib, anoreksiya va bulimiyani davolash bilan shug‘ullanadigan klinikaga yotqizilgan. Aktrisaning ovqatlanish bilan bog‘liq jiddiy muammolari bor edi — bo‘yi 169 sm bo‘lsa-da, u atigi 44 kg vaznga ega edi. Ammo ortiqcha vazn haqidagi o‘y-fikrlar uni bezovta qilishda davom etadi.
Joli kasalxonada ikki hafta yotadi — uning ahvoli normallashguncha “Malefisenta”ning ikkinchi qismini suratga olishni to‘xtatishga to‘g‘ri keladi.
Jim Kerri
Ekranda Jim Kerrini hazilkash qiyofasida ko‘rishga o‘rganib qolganmiz, lekin ma’lum bo‘lishicha, masxaraboz niqobi ortida antidepressantlarga qaram bo‘lgan zaif odam yashiringan. Depressiya xurujlari shunchalik kuchli bo‘lganki, hatto tabletkalar ham yordam berolmagan paytlar ham bo‘lgan. 2015-yilda Jimning sobiq sevgilisi Katriona Uayt u bilan ajrashganidan bir hafta o‘tgach, o‘z joniga qasd qilganida, bu aktyorning ruhiy holatiga ta’sir qiladi. Shifokorlar yulduzga shizofreniya tashxisini qo‘yishadi. Psixiatriya klinikasida tinch sharoitda davolanish ijobiy natija beradi — Jim normal hayotga qaytadi.
Jerard Batler
“300 spartalik” jangari filmi Jerard Batlerni ruhiy kasalliklar shifoxonasiga olib boradi. Hamma gap filmni suratga olish vaqtida olgan ko‘plab jarohatlaridan so‘ng aktyor o‘rganib qolgan og‘riq qoldiruvchi vositalarda edi.
Yaxshiyamki, Batler muammosini vaqtida anglab yetadi va mutaxassislarsiz kuchli ta’sir qiluvchi dorilardan qutulolmasligini tushunadi.
Tom Kruz
“Uddalab bo‘lmas topshiriq”, “Yomg‘ir odam” va “Vampir bilan intervyu” filmlarining yulduziga 2012-yilda uchinchi rafiqasi Keti Xolms bilan rasman ajrashishi shu qadar qattiq ta’sir qiladiki, uning ruhiy holati izdan chiqadi. Natijada aktyorning yaqinlari xavotirga tushib qolishadi — ularning qistovi bilan Tom reabilitatsiya uchun ruhiy kasalliklar klinikasiga yotadi, bu esa tez orada o‘z samarasini beradi.
Ketrin Zeta-Jons
“Chikago” va “Zorro niqobi” yulduzi Ketrin Zeta-Jons 2011-yilda Konnektikut shtatidagi Silver Hill ruhiy kasalliklar shifoxonasiga depressiv psixoz tashxisi bilan yotqizilgan. Aktrisaning turmush o‘rtog‘i Maykl Duglas tomoq saratoniga chalingach, u ham kasal bo‘lib qoladi, bu Ketrin uchun katta zarba bo‘ladi.
Bu aktrisaning klinikaga yotqizilgan yagona holati emas — u bipolyar buzilishdan aziyat chekadi, shuning uchun keskin depressiya xurujlarini boshdan kechiradi.
Dryu Berrimor
Aktrisa Dryu Berrimorning ruhiy muammolari bolaligidan boshlangan. Alkogol va giyohvand moddalarga haddan tashqari erta qaramligi tufayli (Dryu 13 yoshidan beri giyohvandlikdan aziyat chekardi) uning zaif ruhiyati buziladi. Bo‘lajak yulduz o‘z joniga qasd qilmoqchi bo‘lgan va shu sababli psixiatriya bo‘limiga tushib qolgan. 1990-yilda aktrisa hayotining o‘sha qiyin davri haqida “Yo‘qolgan qizcha” kitobini yozadi.
Keyinchalik Berrimor yana psixiatrlarga murojaat qiladi, ammo bu safar o‘z ixtiyori bilan — u mustaqil ravishda klaustrofobiyadan qutula olmaydi va maxsus davolanishdan o‘tadi.
Izoh (0)