Биргина сўз билан ҳамма нарса яхши ёки ёмон томонга ўзгариб кетади. Жаҳон кино оламида шундай юлдузлар борки, уларнинг айримлари биргина гаплари янги лойиҳада суратга тушишига сабаб бўлса, бошқа машҳурлар бир ибораси туфайли яхши фильмлардаги ролидан маҳрум бўлган. Ҳаётда иккинчи дубль бўлмайди. Баъзи актёрлар ҳақиқатан ҳам мухлисларининг хотирасидан улар учун муваффақиятсизликка учраган ва бутун фаолиятига таъсир қилган муваффақиятсиз лойиҳани ўчиришни хоҳлашади. Айнан ўша фильмларда рол ўйнаши керак бўлган актёрлар суратга олиш майдончасида бошқа ҳамкасблари билан алмаштирилди ёки келажакда суратга тушмоқчи бўлган фильмлар учун шартномани бекор қилди.
Эванжелин Лилли
«Тирик қолиш» сериали юлдузи Эванжелин Лиллининг пандемияга муносабати ижтимоий тармоқларда кенг муҳокама қилинди. Кўплаб мамлакатларда инсонлар коронавирус тарқалишининг олдини олиш учун ўз уйларидан чиқишмаган бўлса, Эванжелин Лилли бунга амал қилмади, бу иш нафақат унинг мухлисларини, балки ҳамкасбларини ҳам қаттиқ ғазаблантирди. У болаларни гимнастикага олиб боришини айтди. Актрисанинг фикрича, уларнинг оиласи карантинга амал қилмайди ва умуман олганда, пандемия ўйлаб топилган ихтиро.
«Баъзи инсонлар ҳаётни эркинликдан кўра кўпроқ қадрлашади. Баъзилар ҳаётдан кўра эркинликни қадрлашади. Ҳаммамиз танлов қиламиз», — деб ёзган ўша пайтда актриса.
Жамоатчилик танқидидан сўнг узр сўрашга қарор қилган актриса бунга янги пости билан муносабат билдирди. Тахминларга кўра, бу хабар у томонидан «умумий истерия даврида одамларга хотиржамлик ҳиссини бериш» учун ёзилган.
Лиллининг мухлислари унинг бу ишини кечирмади. Актрисанинг ҳамкасблари, жумладан, «Тахтлар ўйини» сериали юлдузи Софи Тёрнер, у бошқа одамларнинг ҳаётини хавф остига қўйиши ва вирусни юқтириши мумкинлигини эслатди. Marvel Studios ҳам бу ҳолатга нисбатан жим турмади ва янги лойиҳа учун Эванжелин Лилли билан шартномани бекор қилмоқчи эканини эълон қилди. Карантин билан боғлиқ можародан сўнг, «Чумоли одам» фильмида унинг қаҳрамонининг экран вақти қисқартирилди. Жанжалдан кейин актриса ижтимоий тармоқларда кам кўриниш берадиган бўлди. Унинг келажакдаги карьераси қандай давом этиши ҳозирча номаълум.
Меган Фокс
«Трансформерлар» мухлислари учун фильмнинг учинчи қисмида актриса Меган Фокснинг алмаштирилиши ҳақиқий зарба бўлди. Меган Фокс бошқа сайёрадан келган роботлар ҳақидаги фильмдаги образига жуда мос тушган. Бу фильмни томоша қилиш «Бамблби» картинасидан ҳам ёқимлироқ.
Бу фильмда унинг ўрнига бутунлай бошқача ташқи кўринишга эга бўлган сарғиш Рози Ҳантингтон-Уайтлини олишган. Кейинчалик, Рози томошабинлар, танқидчилардан ёмон ижро учун ва ҳар қандай тушунарсиз вазиятда танбеҳ олди.
Маълум бўлишича, профессионал актриса Фоксни моделга алмаштириш истаги шов-шувли интервьюдан сўнг лойиҳа продюсерларида пайдо бўлган. У журналистларга режиссёр Майкл Бей устидан шикоят қилган.
«У билан ишлаш — тирик дўзахда бўлиш билан баробар. У умуман мулоқот қилишни билмайди. Ҳақиқий ҳаётда беозор ва заиф, бироқ суратга олиш жараёнларида золим. Биз «Трансформерлар» фильмини суратга олаётганда деярли ўлиб қолардик», — дейди у Wондерланд Магазине журналига берган интервьюсида. Шунингдек актриса лойиҳа ижодкорларининг актриса сифатида унга қўйган ғалати талаблари – вазн орттириши ва қорайиши кераклиги ҳақида ҳам гапирган.
Натижада, Меган Фокс билан шартнома бекор қилинди. Дастлаб у ишдан бўшатилганини рад этиб, лойиҳани ўз хоҳиши билан тарк этганини айтди. Бироқ Майкл Бей буни иккала томон ҳам истаганини маълум қилди. Фильмнинг ижрочи продюсери Стивен Спилберг актрисанинг шов-шувли чиқишидан хабар топган заҳоти қўнғироқ қилиб: «Ҳозир уни ишдан бўшатинг», — деган.
Шуниси эътиборга лойиқки, Меганнинг фильмдаги ҳамкасблари уни ҳимоя қилишмаган. Актрисанинг мухлисларидан бири унга ҳеч ким танимаган актрисага фақат орзу қиладиган лойиҳада иштирок этиш имкониятини берган Бей эканлигини эслатган. Бошқа актёрлар Меган билан суратга олиш майдончасида ишлаш тажрибасини мароқли деб айтган ва оммавий ахборот воситаларида Фокснинг «келажакдаги Анжелина Жоли» деган баёнотларига улар жилмайиб «Кўряпсизми, Жоли профессионал», — деб жавоб беришган.
Ҳартли Соер
Актёр «Флеш» фильмининг учта мавсумида Ралф Дибни ролини ўйнади. Унда ҳамма нарса бор эди — пул, янги мухлислар, ажойиб таклифлар. Бироқ Соер лойиҳада иштирок этишидан олдин унинг ёзилган эски постлари ижтимоий тармоқларда тарқалиб кетган.
Кейинчалик унинг постларида аёллар камситилган ва таҳқирланган деб ҳисобланди. Бу эса муҳокамаларга сабаб бўлди. Актёр эса бу постлари учун узр сўраган.
«Менинг сўзларим оғир ва қабул қилиб бўлмас эди. Мен бу образдаги ёмон уриниш билан эътиборни жалб қилганимдан уяламан», — дейди актёр.
Бироқ сериал ижодкорлари актёр билан хайрлашаётганликларини расман эълон қилишди, чунки улар камситувчи баёнотларга тоқат қилмайди, Соернинг сўзлари эса компания тамойилларига тўғри келмаган.
Узр сўраш хабари актёрнинг сўнгги пости бўлди. У ўз ҳаёти ва янги лойиҳалари ҳақида гапиришни тўхтатди, ҳозир актёр фильмларда суратга тушмайди.
Энн Хетеуэй
«Ҳомиладор» комедиясида бош рол Энн Хетеуэй ижро этиши керак эди. У ролга тасдиқланди, актрисага сценарий ёқди ва суратга олиш ишлари бошланди. Бироқ шу пайтда Анна ва режиссёр Жад Апатоу ўртасида келишмовчилик келиб чиқади.
Фильмдаги айрим саҳналарни, ҳатто ўзи иштирок этмаган қисмларини ҳам олиб ташлашни талаб қилганида, сценарий муаллифини танқид қилганида ва қаҳрамонларни ўзгартиришни таклиф қилганида, режиссёр ҳомиладорлик ва оналик ҳақидаги фильмни қандай қилиб тўғри суратга олишни айтганида (ўша пайтда Хетеуэйнинг фарзандлари йўқ эди), у ҳақиқий туғруқхонадан олинган кадрларни фильмга киритишни тақиқлаганда келишмовчиликлар юзага келади.
Фильмнинг суратга олиш ишлари якунланаётган вақтда, бирдан Энн: «Агар улар охирини қайта ёзишмаса, мен ҳаракат қилмайман», — деди. Апатоу учун бу охирги томчи эди ва у актрисани ҳайдаб юборди. Актриса яхши лойиҳани йўқотди. Кейинроқ ҳомиладор аёл ролини Кетрин Ҳейгл ижро этди, Энн билан боғлиқ барча саҳналар қайта суратга олинган.
Актриса Allure нашрига берган интервьюсида бу ролда ўзини ноқулай ҳис қилганини айтди, чунки ўша пайтда унинг ўзи ҳам она бўлиш қандайлигини билмаган. Ҳозир Хетеуэйнинг икки нафар ўғли бор.
Сценарийни қайта ёзиш ҳақидаги шов-шувли талаб унинг карьерасига катта таъсир кўрсатмади. Актриса бу лойиҳани йўқотди ва режиссёр Апатоу ҳозир у билан ишлашни рад этади, бироқ Энн бошқа фильмлар — «Қора рицар», «Амалиётчи», «Четланганлар»да ҳам суратга тушган.
Кетрин Ҳейгл
Умуман олганда, «Ҳомиладор» фильми актрисаларининг омади келмади. Аввалига Энн Хетеуэй суратга олишнинг сўнгги босқичида суратга олиш майдончасидан ҳайдалган, сўнгра унинг «ўрнини босган» Кетрин Ҳейгл режиссёрлар ва сценарий муаллифларини ҳайратга солган. Ўша пайтда фильм аллақачон чиққан эди.
Ҳар қандай Голливуд актрисасидан ким энг кўп шов-шувларга сабаб бўлган актриса эканлигини сўранг, улар дарҳол Кетрин деб айтади. Миш-мишларга кўра, у «Эҳтирослар анатомияси» сериалида суратга тушгандан кейин машҳурликка эришган. Унга ҳар доим бирор нарса — режиссёр бўлмаса, партнёри, сценарийси ёки костюмига мос келмайди. Энг муҳими, Кетрин инсонларнинг юзига ёмон сўзларни айтиши мумкин.
«Комедияда аёллар ожиз ва асабий, эркаклар эса жозибали, кулгили қилиб тасвирланган. Мен бу билан қийналганман. Нега менинг қаҳрамоним жуда зерикарли? Нега аёлларни шундай тасвирлайсиз? — гўёки режиссёрдан сўради актриса.
Комедиядаги бош актёр Сет Роген уни ҳимоя қилиш учун ўрнидан турди. У Ҳейглнинг иккиюзламачи эканлигини, унга суратга олиш майдончасида максимал эркинлик берилганлигини, у саҳналарнинг ярмида импровизация қилганини айтди. Кўрсатув ижодкори Шонда Раймс Кетрин ўзининг меҳнаткаш актриса сифатида обрўсини мустаҳкамлашини қўшимча қилган.
«Бир пайтлар ҳамма севиб қолган машҳурлар рўйхатининг бошида ҳозир кўпчилик нафратланадиган Ҳейгл турарди», — дейди у.
Суҳбатдан сўнг Ҳейгл фильмлар ва реклама лойиҳаларига таклиф қилинмади, ҳатто Сет Роген ҳам йиллар ўтиб ҳамкасбидан ғазабланмаслигини айтди, у ўзига зарар етказганини тушунди. Кетрин ҳаётини фарзандларига бағишлади, ҳозирда унинг учта фарзанди бор, улардан иккитаси асраб олинган.
Том Круз
Том интервьюларнинг бирида у фарзанд дунёга келтиргандан кейин антидепрессантларни қабул қилганини тан олган актриса Брук Шилдснинг баёнотига муносабат билдирди. «Кўк лагуна» фильми юлдузини америкалик аёлларнинг учдан бир қисми қўллаб-қувватлади. Сўровларга кўра, жуда кўп аёллар чақалоқ туғилгандан кейинги биринчи ойларда оналик қувончини ҳис қила олмайди. Брукнинг аҳволи эса оғир бўлган.
Том Круз туғруқдан кейинги депрессия ҳақида аёлларга қараганда кўпроқ билишга қарор қилди ва моделни танқид қилди. У таблеткаларни ичмасликни, бирор нарса билан, масалан, спорт билан шуғулланишини маслаҳат берди. Муаммо шундаки, нафақат Брук, балки унинг турмуш ўртоғі, Paramount кинокомпанияси раҳбарларидан бири Крис Хенчи ҳам бундан ранжиди. Paramount бош директори Сумнер Редстоненинг рафиқаси Паула Фортунато унга катта таъсир кўрсатганлиги сабабли, компания Круз билан 14 йиллик шартномани бекор қилди.
Актёрга профессионалликни унутган деб таҳдид қилишди. Бироқ кўзёшлари билан тан олиш ва тавба қилиш ўрнига у шахсан Брук Шилдснинг уйига келиб, кечирим сўради. Ўша пайтда у кичкина Сурининг отасига айланган ва қанчалик хато қилганини тушунган эди. Бу ташриф оммавий ахборот воситаларига маълум бўлди. Paramount пауза қилишни кутди, бироқ Крузга иккинчи имконият берди ва «Уддалаб бўлмас топшириқ» фильмининг давомини суратга олишни бошлади.
Мавзуга доир:
- Қирол Чарльз III дан тортиб Гвинет Пелтроугача: вақтини томорқада ўтказишни яхши кўрадиган машҳурлар (фото).
- Майкл Жексон, Николас Кейж ва бойлигини бирданига йўқотиб, камбағалга айланган бошқа бадавлат машҳурлар (фото).
- Машҳурлар ажрими: Голливуднинг юлдузли жуфтликлари оиласи бузилишига сабаб бўлган ҳолатлар ҳақида гапирди.
- Анжелина Жоли, Мерил Стрип ва бошқа машҳурлар ҳақида ҳатто уларнинг содиқ мухлисларини ҳам ҳайратда қолдирадиган фактлар (фото)
Изоҳ (0)