АҚШ собиқ вице-президенти Майк Пенс CNN телеканали эфирида собиқ президент Дональд Трамп 2024 йилги сайловларда давлат раҳбари лавозими учун энг яхши номзод эмаслигини айтди.
Пенснинг фикрича, америкаликларда Трампдан кўра яхшироқ вариантлар бўлади ва улардан бири эса унинг ўзи бўлиши мумкин. «Сизни хабардор қилиб тураман», — дея ваъда берди собиқ вице-президент.
«Бу мамлакатда янги раҳбарият учун вақт келди, деб ўйлайман, токи у бизни энг олий идеалларимиз атрофида бирлаштирсин», — деди у.
Пенс Трампнинг президентлиги даврида, 2017—2021 йилларда вице-президент бўлган. Ўтган йилнинг 20 январида амалдаги давлат раҳбари Жо Байден лавозимига киришганидан кейин у ўз ваколатини бўйнидан соқит қилган эди. Янги вице-президент эса Камала Харрис бўлди.
15 ноябрь куни Трамп 2024 йилги президент сайловига ўз номзодини қўйганини эълон қилди. Шунингдек, у агар АҚШ президенти бўлса, сайлов тизимини ислоҳ қилишга ваъда берди.
Трамп 2017—2020 йилларда АҚШ президенти бўлган. 2020 йил январида у амалдаги президент Жо Байденга лавозимини бўшатиб берган. Трамп ўз мағлубиятини тан олмаган ва сайлов натижаларини суд орқали бекор қилмоқчи бўлган. Бироқ АҚШ Олий суди собиқ президентнинг овоз бериш якунларини қайта кўриб чиқиш ҳақидаги даъвосини рад этган.
Байден октябрь бошида 2024 йилги президент сайловида Трампни яна мағлуб этишига ишонишини айтганди. Шу билан бирга, амалдаги давлат раҳбари сайловда қатнашиш ҳақида қарор қабул қилганича йўқ, бироқ буни Конгрессга сайловлардан кейин ҳал қилишини айтган.
Изоҳ (0)