Украина президенти Владимир Зеленский АҚШдаги сайлов натижаларидан ва турли босимлардан қатъи назар, Россияга ҳудудий ён босиш бўлмаслигини айтди. У бу ҳақда KBS телеканалига берган интервьюсида маълум қилди.
Сиёсатчидан Украинанинг урушни тугатиш бўйича музокаралар учун ўзгартирилиши ва муҳокама қилиниши мумкин бўлмаган шартлари мавжудми, деб сўрашди.
Украина, ҳар қандай ҳолатда ҳам, конституциявий жиҳатдан ўзининг қонуний давлат ҳудудларидан воз кечиш ҳуқуқига эга эмас. Шу сабабли, бу юридик жиҳатдан мутлақо имконсиз. Путин босиб олинган ҳудудларимизни эгаллаб, уларни ўз конституциясига киритиш орқали ўзлаштиргани ҳеч нарсани ўзгартирмайди. Украина бу ҳудудларни Россияники деб тан олмайди, деди Зеленский.
Шунингдек, у АҚШдаги сайловларда ким ғалаба қозонишидан қатъи назар, Украина ўз позициясини ўзгартирмаслигини айтди:
Ким нимани истамасин, Қўшма Штатларда ким ғалаба қозонмасин ва Путин қанча вақт Россия раҳбари бўлмасин, бундай бўлмайди, деди у.
Зеленский АҚШнинг янги президенти Украинани қўллаб-қувватлашни кучайтириши ёки заифлаштириши мумкинлигини таъкидлади.
Украинани қўллаб-қувватлашнинг заифлашуви Россияга бизни кўпроқ босиб олиш имконини беради. Бу урушда ғалаба қозониш имконини бермайди. Бу ҳақиқат. Шунинг учун ҳудуд муросалари ҳақида эмас, балки дипломатик йўллар ҳақида гапирамиз, аммо улар АҚШ сиёсатига, агар у заифлашмаса ва Қўшма Штатларнинг урушни тезда тугатиш истагига боғлиқ, деди Зеленский.
Шу билан бирга, у республикачилар партиясидан АҚШ президентлигига номзод Дональд Трампнинг “Мен амалиётчи одамман ва урушни тезда тугатиш, қандайдир модел топиш учун ҳаракат қиламан” деган сўзларига эътибор қаратди.
Аммо агар Трамп ғалаба қозонгудек бўлса ва шунчаки Украинани ҳамма нарсани топширишга мажбурлаб, шу йўл билан Россия билан келишмоқчи бўлса, бугунги кунда бунинг имкони йўқ деб ўйлайман, деди сиёсатчи.
Изоҳ (0)